Аав, ээжүүдийн алдаа: Wi-Fi хэрэглээ 24 цаг | News.MN

Аав, ээжүүдийн алдаа: Wi-Fi хэрэглээ 24 цаг

Хуучирсан мэдээ: 2017.10.10-нд нийтлэгдсэн

Аав, ээжүүдийн алдаа: Wi-Fi хэрэглээ 24 цаг

Зоогийн газар, кино театр, автобусны буудал гээд хаа сайгүй утасгүй интернет буюу Wi-Fi сүлжээ нэвтэрчээ. Автобусанд хүртэл үнэгүй интернет бэлэн байна. Хэдийгээр технологийн дэвшил, өдөр тутмын амьдрал, мэдээлэл авах хурд гээд олон давуу талтай ч эрдэмтэд Wi-Fi сүлжээг хүүхэд, жирэмсэн эмэгтэйчүүдэд хортой нөлөө үзүүлдгийг анхааруулах болжээ. Түүнчлэн мэдрэл, нөхөн үржихүйн байдалд сөргөөр нөлөөлж, тархины үйл ажиллагааг удаашруулах эрсдэлийг нэмэгдүүлдэг гэжээ.

Сөрөг нөлөөтэй гэдгийг нь мэддэг ч гар утас нэхэж уйлах хүүхдэдээ хатуу зан гаргах зоригтой эцэг, эхчүүд төдийлөн олон биш байна. Өдөрт дөрвөн цагаас дээш хугацаагаар гар утас, таблет зэргээр тоглуулах нь 3-5 насны хүүхдүүдийн хувьд өсөлт хөгжил нь удаашрах, тархины хөгжлийг саатуулах зэрэг олон сөрөг нөлөөтэй. Ядаж л шөнө унтахдаа Wi-Fi төхөөрөмжөө унтраадаг айл бодит байдал дээр маш цөөхөн байдаг.

Wi-Fi төхөөрөмжийг яагаад унтраах ёстой вэ?

Нойр хулжаана

Унтахынхаа өмнө гар утсаар тоглох, Wi-Fi орчинд интернет хэрэглэх зэрэг нь нойргүйдэлд хүргэдгийг 2007 онд эрдэмтэд баталжээ. Ялангуяа Wi-Fi сүлжээний цахилгаан соронзон цацрагийг салгалгүйгээр шөнөжин асаалттай байлгах нь хүний тархинд асар их дарамт үүсгэдэг байна.

Урагт муугаар нөлөөлнө 

Wi-Fi сүлжээний цацрагт өртөх нь хэвийн эсийн хөгжил, ялангуяа ургийн хөгжилд саад болдог байна. Тиймээс жирэмсэн эхчүүдэд онцгой хор нөлөөтэйг сэрэмжлүүлжээ.

Эсийн өсөлтийг удаашруулдаг 

Данийн ахлах ангийн сурагчид нэгэн сонирхолтой судалгаа хийжээ. Тэд утасгүй интернетийн сүлжээ бүхий өрөөнд ургамал тавьж, мөн яг ижилхэн ургамлыг ямар ч сүлжээгүй өрөөнд байлгасан байна. Арав хоногийн дараа WiFi бүхий өрөөнд байсан нь хатаж хорчийсон бол эрүүл өрөөнд үлдээсэн цэцэг сагсайтлаа ургасан байжээ. Wi-Fi сүлжээ эсийн хөгшрөлтийг түргэсгэдэг гэдгийг эндээс харж болно.

Тархины үйл ажиллагааг удаашруулдаг 

Данийн сурагчдын хийсэн туршилтын дараа эрдэмтэд Wi-Fi сүлжээний цацрагийн хор нөлөөг судалж эхэлжээ. Эрдэмтэд арав гаруй жил утасгүй интернетийн сүлжээг идэвхтэй ашигласан хүмүүсийн тархины хорт хавдраар өвчлөх эрсдэл хоёр дахин их байгааг тогтоосон байна.

Үргүйдэлд хүрэх эрсдэлийг нэмэгдүүлдэг 

Зөвхөн гар утас, компьютер гэлтгүй Wi-Fi сүлжээний орчин өөрөө эр бэлгийн эсийг саармагжуулдаг болох нь туршилтаар батлагджээ

Төрөлтөд нөлөөлнө 

Зохиомлоор үр суулгасан хулганыг 45 хоногийн турш WIFi орчинд байлгахад стрессийн төвшин хоёр дахин нэмэгдэж, зулбажээ.

Хорт хавдар үүсгэх магадлалтай 

Цахилгаан соронзон орон, цацраг идэвхт туяа хорт хавдрын эрсдэлийг нэмэгдүүлж болохыг амьтан дээр хийсэн судалгаагаар баталсан туршилт олон. 21 настай нэгэн эмэгтэй утсаа байнга энгэрийнхээ халаасанд хийж явдгаас болж хөхний хорт хавдар туссан жишээ бас байдаг аж.

Эрдэс бодисын дутагдалд оруулдаг 

Wi-Fi сүлжээ нь хүнийг эрдэс бодисын дутагдалд, оруулж, таргалуулах сөрөг талтай байж болно. Хүний аз жаргалын гормоныг багасгаж, тэжээлийн дутагдалд оруулдаг гэж гадны хэвлэлүүд

судалгааны үндсэн дээр бичсэн байдаг.


Wi-Fi сүлжээний хэрэглээгээ хянах, зохицуулах талаар бид хэр мэдээлэлтэй байдаг вэ? Энэ талаар зарим хүмүүсээс хариулт авлаа. 

Ц.Хулан /Хан-Уул дүүргийн иргэн/

-Унтахдаа төхөөрөмжөө унтраадаг. Хүний биед сөргөөр нөлөөлдөг гэж сонссоноос хойш байнга унтраадаг болсон. Интернет хэрэглэх нь өдөр тутмын хэрэгцээ ч унтахаасаа өмнө сүлжээг бүрэн салгаж хэвших нь чухал байх.

Л.Шүрэнчимэг /Баянзүрх дүүргийн иргэн/

-Төхөөрөмжөө унтраадаггүй.

С.Сэлэнгэ /Баянзүрх дүүргийн иргэн/

-Нэг мэдэхэд мартаад унтчихсан байдаг. Төхөөрөмжөө унтраая гэж боддог ч ихэнхдээ асаалттай байдаг.

Энэ асуултад хариулсан иргэдийн ихэнх нь зургаа даруулахаас татгалзаж, харин асуултад хариулахыг зөвшөөрсөн тул төлөөлөл болгон, дээрх гурван эмэгтэйг онцоллоо. Гэхдээ асуулт тавьсан хүмүүсийн бараг 90-ээд хувь нь “Унтаж амрахдаа Wi-Fi сүлжээний төхөөрөмжөө унтраадаггүй” гэсэн хариулт өгч байлаа. Зарим нэг нь “Унтраагаад унтахаар хүүхдүүд асаачихдаг” гэсэн нь бас л бодох асуудал. Иргэдийн цөөнгүй нь Wi-Fi сүлжээний хэрэглээг зохицуулахгүй бол эрүүл мэндэд сөрөг нөлөөтэй гэдгийг бүр огт сонсож байгаагүй хүмүүс ч байсан.

Хэдийгээр бидний зайлшгүй хэрэглээ ч гэлээ ядаж бага насны хүүхдүүдээ Wi-Fi сүлжээтэй орчинд өдөр, шөнөгүй байлгахаас татгалздаг баймаар юм.

Танд бас дээрх асуултыг тавья, Та унтаж амрахдаа Wi-Fi төхөөрөмжөө унтраадаг уу?

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

zochin 2017-10-10 45.117.32.4

bairnii ailuud untraagaad ch nemergui hajuu deed dood ailuud bugd untraahgui bol hana mana newt shd

Avatar

Bitgii hudlaa yari 2017-10-10 108.218.234.108

Mongoloos iluu tehnik tehnologi hugjsun ornii humuus yagaad urt naslaad baidgiin? Bitgii shal hudlaa yum yarij bai za Minii medeh Japanchuud hezee ch internetee untraadgui, internet trade hiideg uchraas, Amerikuud ch gesen untraadagguim blee. Ugaasaa interneteer chini 24 tsagaar ajilluulj ajiliin ur buteemjiig deeshluuleh zorilgotoi. Teglee geed ted nar bugd Mongolchuudaas urt naslalttai, ajiliin buteemj deer bizdee. Bitgii ingej hudlaa yariaa.

Avatar

Зочин 2017-10-10 202.72.242.131

Юм мэдэхгүйн зовлон гэж

Avatar

Худлаа 2017-10-10 66.181.176.92

Худлаа дэмийрэхээ л байчих. Монголчууд ямар ч үндэслэл тооцоо судалгаагүй зүгээр л зүүдээ нээлт хийсэн юм шиг ярихаа больчих. Наадхыг чинь судлаад тогтоогоод стандарт болгоод үйлдвэрлэлд нэвтрүүлдэг байгууллага ажиллаж байгаа.

Avatar

Зочин 2017-10-10 5.77.28.19

Монгол ураг сайн байна уу муу байна уу? Энэ дэлхийд ямарч хамаа байхгүй.Хүний нийгэмд тэнцэхгүй ард түмэн шүү дээ.

Avatar

Зочин 2017-10-10 202.9.40.81

za za shalihgui bhoooo. harin gar utas ntr ee l huuhdeesee hol bailgayooo

Avatar

engineer 2017-10-10 103.10.23.218

Ta buhnii gert hereglej baigaa Wifi tuhuurumj tanii hereglej baigaa gar utasnaas 100-400 dahin baga energy tsartsuuldag.

Avatar

Зочин 2017-10-10 202.21.106.146

Орон сууцны байшин дээр том том антен тавьсан байдаг.Энэ нь зүгээр үү.

Avatar

Ss 2017-10-10 95.58.249.178

Naadahbchini harin asuudal shuu

NewsMN Гар утасны хувилбар Татах
NEWS.mn

Мэдээллийн эх сурвалж