"Халуун цуст, уур минь хүрч байна" нэртэй бичлэг 2012 онд фэйсбүүкт тавигдсан нь олны анхаарлыг ихэд татсан юм. Эх орон, газар нутгаа хамгаалъя хэмээн уриалан дуудсан уг бичлэгийг Г.Тулга гэж залуу оруулж байсан.

Үүнээс хойш тэрээр нийгмийн сүлжээг ашиглан бусдад хүрч болохыг ойлгож, өдгөө ‘Уухай’ фэйсбүүк хуудсыг идэвхтэй хөтөлдөг болжээ. Г.Тулга уух усгүй, бэлчих талгүй хоцорч байгаад эмзэглэдэг бөгөөд Монголын хэд хэдэн аймгаар явж, бодит нөхцөл байдлыг хүмүүст харуулсан нь олон уншигдсан. Түүний харах өнцөг, үзэл бодлыг тантай хуваалцъя.