Авлигатай тэмцэх газраас энэ сарын 3-ны өдөр оффшор бүсийн жагсаалтыг олон нийтэд танилцуулсан. Жагсаалтын дагуу Авлигатай тэмцэх газарт хөрөнгө орлогын мэдүүлэг өгч буй 39742 албан тушаалтан, тэдгээрийн гэр бүлийн хүн, төрсөн ах дүүс нь оффшор бүсэд данс эзэмшсэн, хөрөнгө байршуулсан аж ахуйн нэгжийн үйл ажиллагаа явуулсан эсэхээ 90 хоногийн хугацаанд тайлагнах учиртай юм. Энэ хугацаанд татваргүй бүст хөрөнгөө байршуулсан албан тушаалтнууд мөнгөө ил болгох ёстой. Харин ил болгоогүй тохиолдолд яах вэ?