Монгол Улсын үндэсний шигшээ баг дэлхийн чансааны 151-т бичигддэг Тайванийн багтай өчигдөр 19:00 цагаас талбай дээр нь нөхөрсөг тоглолт хийлээ.
Герман дасгалжуулагч Майкл Вайссын удирдлага дор анхны албан ёсны тоглолтой хийж буй манай шигшээ багаас Ц.Мөнх-Эрдэнэ 5 дахь минутад тооны харьцааг нээсэн. Гэсэн ч эхний үеийн төгсгөлд Тайванийн баг тоог тэнцүүлснээр нэгдүгээр үе 1-1 харьтайгаар өндөрлөлөө.
Нутагтаа тоглож буй Тайванийн баг шийдвэрлэх үе эхлээд хоёр ч гоол оруулсан болсон бол манай багийн довтлогч Н.Наранболд минутад тоог 3:2 болгон ойртуулав. Шинэ бүрэлдсэн шигшээ багаараа сар ч бэлтгэл хийж амжаагүй манай залуус тооны харьцааг тэнцүүлэх боломжоо хайсаар байсан ч харамсалтай нь нэмж нэг гоол алдан 4:2-оор хожигдлоо. Манай залуус энэ сарын 07-нд эх орондоо газардаад дахин бэлтгэл хийхээр 15-нд Япон улсыг зорино.
Эх сурвалж: МХБХ