Олимпийн аварга жүдоч Харүка Тачимото зодог тайллаа | News.MN

Олимпийн аварга жүдоч Харүка Тачимото зодог тайллаа

Хуучирсан мэдээ: 2017.10.05-нд нийтлэгдсэн

Олимпийн аварга жүдоч Харүка Тачимото зодог тайллаа

ОУОХ-ноос 2018 оны залуучуудын олимпийн наадмыг зохион байгуулах хүсэлтэй хотуудын мэдүүлгийг хүлээн авах хугацаа 10 сарын 15-нд дуусчээ.

“Рио-2016” олимпийн жүдо бөхийн эмэгтэй -70 кг-ын жингийн аварга, Японы жүдоч Харүка Тачимото зодог тайлахаар шийдсэнээ зарлалаа. Өдгөө 27 настай жүдоч бүсгүй цаашид жүдо барилдах зорилгогүй болсон гэж шалтгаанаа тайлбарлажээ. Тэрбээр  Японы жүдогийн холбоонд албан ёсоор өргөдлөө өгсөн бөгөөд энэ сарын 10-нд хэвлэлийн бага хурал хийхээр болсон байна.

“Цаашид энэ замаар явах бодол санаа, хүсэл зориг надад байхгүй. Одоо би шинийг сурч мэдэхэд өөрийгөө зориулах болно” гэж Тачимото сэтгүүлчдэд ярьжээ. 

Их спортоо орхисныхоо дараа тэрбээр Цүкүба их сургуульд магистрын зэрэг горилох гэнэ. 

2012 оны Лондоны олимпод долдугаар байрт шалгарч байсан тэрбээр Риогийн татамид аваргын төлөөх барилдаанд Лондоны олимпийн хүрэл медальт, Колумбын бөх Юүри Алвеарыг ялсан юм. Дунд сургуулийн сурагч байхын л авьяас нь тодорсон Тачимото өсвөрийн ДАШТ-ий хошой алтан медальтай. Тэрбээр мөн “Их дуулга”-ын дөрвөн цуврал, гурван Гран-при тэмцээнд аваргалжээ. Гэхдээ насанд хүрэгчдийн ДАШТ-ий медалийн тавцанд гарч байсангүй. 

Түүнийг залгамжлан Японы шигшээ багийн бүрэлдэхүүнд -70 кг-д Чизүрү Араи гэх залуу бөх тодрон гарсан юм. Тэрбээр Будапештэд болсон энэ жилийн ДАШТ-д жингийнхээ ангилалд түрүүлсэн билээ.

С.ЦЭЛМЭГ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2017-10-05 66.181.166.134

Barag buh boh ni olimp delhiin avarga baidag Yapond neg ni zodog tailaa l biz. Yah geed bgaa yum bee

Avatar

Зочин 2017-10-05 103.26.193.90

Hairan busgui ih sportoo orhihiin

NewsMN Гар утасны хувилбар Татах
NEWS.mn

Мэдээллийн эх сурвалж