Нийслэл Москва хотын мөсөн гулгуурын талбайнууд ирэх арваннэгдүгээр сарын 1-нээс ажиллаж эхэлнэ хэмээн Москва хотын Захирагчийг орлогч Петр Бирюков сэтгүүлчдэд мэдээллээ.

“Нийслэлийн оршин суугчдын өвлийн улирлын тав тухад зориулж 1300 гаруй мөсөн гулгуурын талбай ажиллахаас 191 нь хиймэл мөстэй байна” хэмээн Петр Бирюков хэллээ.

Мөсөн гулгуурын талбайн дэд бүтцийн бэлтгэл ажил ид хийгдэж байна. Тухайлбал, гэрэлтүүлэг, түрээсийн цэг, хувцасны өлгүүо, эрүүл мэндийн тусламж үзүүлэх цэг, хүнсний хэсэг, бие засах газруудыг засаж шинэчлэн, шаардлагатайг шинээр барьж байгаа ажээ.

Эх сурвалж: РИА НОВОСТИ