Хойд Солонгосын хакерууд өмнөд хөршийнхөө биткойн арилжаанд хууль бусаар нэвтрэхийг завдсан талаар Өмнөд Солонгосын цагдаагийн байгууллага мэдэгджээ.

Өнгөрсөн долоо хоногт хэд хэдэн удаагийн оролдлого хийгдсэн, гэхдээ бүгд амжилтгүй болсон гэнэ. Өнгөрсөн долдугаар сараас хойш Хойд Солонгосоос нийт 10 удаа цахим халдлага хийгдсэн нь бүгд үр дүнгүй болжээ. 

Тэд биткойн арилжааны ажилтны нэвтрэх нэр, нууц үгийг хууль бусаар олж авахыг завдсан байна. Ингэхдээ биткойн сүлжээний аюулгүй байдлын мэргэжилтний нэрийн өмнөөс и-мэйл илгээжээ. Зөвхөн суурин компьютер биш, ухаалаг гар утсаар биткойны арилжаанд оролцдог хэрэглэгчид рүү ч халдахыг завдсан байна.

БНАСАУ-ын талаас энэ асуудлаар ямар нэг хариу тайлбар хийгээгүй байна.

С.ЦЭЛМЭГ