Монгол ОХУ-тай экспорт, импортоо тэнцүүлнэ | News.MN

Монгол ОХУ-тай экспорт, импортоо тэнцүүлнэ

Хуучирсан мэдээ: 2017.10.03-нд нийтлэгдсэн

Монгол ОХУ-тай экспорт, импортоо тэнцүүлнэ

Viral хэмээх үгийг болор толиос харвал ”вирусын, нянгийн” гэсэн утгатай болохыг мэдэж болно.

‘Монгол, Оросын хамтын ажиллагаа-2017’ чуулга уулзалтын нээлт өнөөдөр /2017.10.03/ боллоо. Энэ уулзалтаар хоёр орны эдийн засгийн хамтын ажиллагааг цаашид хэрхэн өргөжүүлж, аль аль талдаа харилцан ашигтайгаар яаж ажиллах вэ гэдэгт талууд байр сууриа илэрхийлж байна.

 

Сүүлийн хэдэн жилд хоёр орны худалдааны хэмжээ багассан ч, 2017 оны эхний долоон сард Монгол Улс, ОХУ-ын худалдааны эргэлт 705.3 сая ам.долларт хүрчээ. Энэ нь нэг жилийн өмнөхтэй харьцуулахад 46.8 хувиар өссөн дүн юм. Задалж харвал, Монгол Улсаас ОХУ-руу 33.4 сая ам.долларын бараа, бүтээгдэхүүнийг экспортод гаргасан бол ОХУ-аас 671.9 сая ам.долларын барааг импортлон авчээ. Импорт 80 хувь, экспорт 20 хувь болсон худалдааны балансгүй байдлыг цаашид тэнцвэржүүлэх асуудлыг  Монголын талаас хөндөж, гарц хайж эхэлжээ.

Гадаад харилцааны сайдын үүргийг түр орлон гүйцэтгэгч Ц.МӨНХ-ОРГИЛ

Өөрөөр хэлбэл, экспорт, импортыг хэрхэн  яаж 50, 50 хувь хүргэх вэ гэдэгт Засгийн газар анхаарлаа хандуулах болсныг Гадаад харилцааны сайдын үүрэг гүйцэтгэгч Ц.Мөнх-Оргил тодотгосон юм. Мөн Засгийн газар ОХУ-тай эдийн засгийн харилцааг өргөжүүлэхдээ  таван асуудалд  анхаарлаа хандуулж ажиллах юм. 

Нэгдүгээрт, эрчим хүчний хамтын ажиллагаа. Үүнд шинээр эрчим хүчний эх үүсвэрүүд барих.

Хоёрдугаарт, тээвэр буюу  юуны өмнө төмөр замын тээврийн асуудал. Үүнд Улаанбаатар хотын төмөр замыг шинэчлэх, шинэ төмөр зам барих асуудал багтана.

Гуравдугаарт, Евро-Азийн эдийн засгийн холбоотой  чөлөөт худалдааны гэрээ байгуулах. Монголын талаас чөлөөт худалдааны хэлэлцээр байгуулъя гэдэг асуудлыг тус холбоонд тавьж эхэлжээ. Чөлөөт худалдааны хэлэлцээр байгуулснаар зөвхөн тарифын хүндрэлээ багасгах боломжтой юм. Гэхдээ тарифын хүндрэлээс илүү өнөөдөр Орос, Монголын харилцаанд саад болсон асуудал нь тарифын бус хязгаарлалт болжээ. Тодруулбал, монголоос экспортолж буй бараа, бүтээгдэхүүн нь стандартад нийцдэггүй,  ариутгалын шаардлага хангадаггүй, мал эмнэлгийн шаардлага, мэргэжлийн хяналтын шаардлага, хяналт муу байдаг аж. Экспортолж, импортолж буй бараа бүтээгдэхүүн нь гааль дээр гацдаггүй болох нь худалдааны эргэлтийг нэмэх том найдлага гэдгийг Гадаад харилцааны сайдын үүрэг гүйцэтгэгч Ц.Мөнх-Оргил тайлбарлав.

Дөрөвдүгээрт, боловсрол, соёл, хүмүүнлэгийн харилцаа. Монголчууд ОХУ-ын их дээд сургуулиудаар дамжиж, Европын болон дэлхийн  сонгодог соёлтой холбогдсон улс. Энэ чиглэлийнхээ харилцааг цааш нь үргэлжлүүлж, бататгах аж.

Тавдугаарт,  Улаанбаатар-Москва, Улаанбаатар-Новосибирск, Улаанбаатар-Эрхүү хот гэсэн хотуудын  хамтын ажиллагаанд анхаарлаа хандуулж эхэлжээ.  Энэ хүрээнд барилгын салбарт хамтарч ажиллах гэнэ.

Үүнээс гадна БНХАУ, ОХУ хоорондох тээврийг Монгол Улсын нутгаар дамжуулах бүрэн боломж бий. Ингэж чадвал тээврээс олох орлого, түүнийг дагасан бизнес Монголд ивээлээ өгнө гэдгийг УИХ-ын гишүүн Б.Энх-Амгалан онцлов. Тэрбээр, Монголын нутгаар дамжин өнгөрөх тээвэрлэлтийн асуудлыг ажил хэрэг болгохын тулд эхлээд Монголын парламент одоогийн эрх зүйн орчноо шинэчлэх шаардлагатайг хэллээ. Мөн хил, гаалийн бүсээ орчин үеийнх болгож өөрчлөх хэрэгтэй гэв.

 

 

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2017-10-03 122.201.24.142

Уул нь Орсууд тусалвал бат бөх бөл цөл доривтойхон л тусалдагсан даа Хамтран ажиллах үйл хэрэгт амжилт хүсэе. итгэлтэй байна.

Avatar

Зочин 2017-10-03 103.10.22.117

Сэрэхгүй бол сайхан л зүүд бна. Бүхэл бүтэн 2жилийн дараагаас иймэрхүү юм яриад явж байдаг. Жил хагасийн хугацаанд дорвитойхон тоймтой юм хийвэл хиймээрсэн.

Avatar

Зочин 2017-10-03 202.9.43.67

ЖЕНКО-н үилдвэрийн ЛААЗАЛСАН МАХ тушенко савхи нэхий хивс ноос ноолууран бүтээгдхүүнийг ОРОС голоно гэж юү баидийн БОРГИО БОЛОР АРХИА Ч САНАЖ Л БАИГАА хөршөө тоохгүи хөсөр хаягдсанаа одоо ухаарах цаг болсоон ТРАМП МОНГОЛ ГЭЖ УЛС БАИДГИЙГ МЭДЭХ Ч ҮГҮИ БАИГАА ДАА. махны хувьд БИОКОМБИНАТАА ШИНЭЧЛЭХ ЦАГ БОЛСООН шүлхийн вакцинаа хийж чадахгүи болтлоо дороитох гэж ЭДИЙН ЗАСГИЙН зарим нэг холбоонд нь орох цаг болсон доо

NewsMN Гар утасны хувилбар Татах
NEWS.mn

Мэдээллийн эх сурвалж