ЗГ-ын бүтцийг өөрчлөх шаардлагатай юу? | News.MN

ЗГ-ын бүтцийг өөрчлөх шаардлагатай юу?

Хуучирсан мэдээ: 2017.10.03-нд нийтлэгдсэн

ЗГ-ын бүтцийг өөрчлөх шаардлагатай юу?

Хүн 39 км-ийн өндрөөс дэлхий рүү унавал юу үлдэх бол...

УИХ-ын намрын ээлжит чуулганыг нээснээр хууль тогтоогчид ажилдаа орлоо.

Энэ удаагийн намрын чуулганаар 2018 оны төсвийн хуулийг хэлэлцэхийн зэрэгцээ шинэ Ерөнхий сайдыг томилж, шинэ Засгийн газрыг байгуулна, Үндсэн хуульд нэмэлт, өөрчлөлт оруулах эсэхийг шийдвэрлэх зэрэг олон чухал асуудал хүлээгдэж байна. Намрын чуулганаас юу хүлээж байгаа талаар УИХ-ын гишүүдийн байр суурийг сонслоо.


УИХ-ын гишүүн З.Нарантуяа:

-Намрын чуулганы эхний өдрүүдэд хэлэлцэх асуудлуудын нэг нь Засгийн газрын бүтэц бүрэлдэхүүн. Ялангуяа Ерөнхий сайд танхимаа бүрдүүлэхдээ нэр цэвэр ажил хэрэгч, хариуцлагатай мэргэжлийн баг бүрдүүлээсэй гэж хүсэж байна. Засгийн газрын бүтцийн асуудалд багагүй цаг хугацаа зарцуулах байх.

2018 оны төсөв хэлэлцэх ёстой. Одоогоор эдийн засаг өсөлттэй байна гэж тайвшрах болоогүй. Эдийн засгийн ерөнхий бүтэц сайжраагүй хэвээр байгаа. Ялангуяа өрхийн орлого өсөлтгүй, бодит сектор амжилттай байна гэж хэлэх эрт байгаа учраас төсвийг маш чамбай батлах ёстой. Урсгал зардлаа танах, ирээдүйд мөнгө олох экспортыг дэмжсэн  хөрөнгө оруулалтаа түлхүү явуулах хэрэгтэй болов уу гэж харж байна.

-УИХ-ын гишүүн Д.Тэрбишдагва:

– Энэ жилийн намрын чуулганаар Засгийн газрыг байгуулна.  Өмнөх Засгийн газрын хэрэгжүүлж байсан зөв зүйтэй ажлыг үргэлжлүүлэх бодлого хэрэгжүүлээсэй гэж хүсэж байна. Засгийн газрыг байгуулахдаа бүтцээ өөрчилж,  тулгуур зарчмаа алдахгүй байх нь зөв гэж би бодож байгаа. Гэхдээ эдийн засгийн аюулгүй байдлаа хангах үүднээс эдийн засгийн асуудал хариуцсан төв байгууллагатай болмоор байгаа юм. Энэ нь эдийн засгийн асуудлыг өнөө, маргаашаар тодорхойлдог бус алс ирээдүйг хардаг, бодлого, төлөвлөлт, анализ хийдэг, алдаа дутагдал дээрээ ирээдүйгээ тодорхойлдог байгууллага байх ёстой. Тэр нь Үндэсний хөгжлийн газрыг Үндэсний хөгжлийн яам болгож болно. Эдийн засгийн аюулгүй байдлаа бодсон ч эдийн засгийн урт хугацааны бодлого тодорхойлдог яамтай байх нь хамгийн зөв юм.

. -УИХ-ын гишүүн Б.Баттөмөр:

-Намрын чуулганаар хэлэлцэх хамгийн гол асуудал бол Засгийн газрын тэргүүн, түүний бүтцийг томилох. Ерөнхий сайд томилогдсоны дараа Засгийн газрын бүтцийн асуудлыг хэлэлцэнэ. Засгийн газрын бүтцийг өөрчлөх ёстой, өөрчлөх ёсгүй гээд олон байр суурь явж байна. Миний хувьд Засгийн газрын бүтцэд өөрчлөлт оруулах ёстой гэж бодож байгаа. Засгийн газар хөгжлийн бодлогоо орхигдуулснаас огцорсон. Тиймээс шинэ Засгийн газар хөгжил, бодлогоо өөрчилж байж, урагшилна. Засгийн газрын бүтцэд тодорхой хэмжээний өөрчлөлт оруулж, хөгжлийн бодлогоо зөв тодорхойлох ёстой.

-УИХ-ын гишүүн О.Баасанхүү:

-Засгийн газын танхимаа яаралтай бүрдүүлж, томилох ёстой. Засгийн газрын бүтцийн хувьд өмнө нь сайд хийж байсан хүмүүсийг дахин сайдаар томилох шаардлагагүй гэж би үзэж байгаа. Өмнө нь сайд хийж байхдаа зөв бодлого хэрэгжүүлсэн бол өнөөдөр ийм байх байсан уу гэдгийг бодох хэрэгтэй. Ард түмэн зөв, шударга, зоригтой хүмүүсийг сайдаар томилоосой гэж хүсч байна. Мөн УИХ-ын гишүүн сайд хийхгүй байх буюу давхар дээлгүй байх шаардлага тавьж байна. УИХ Засгийн газрыг хянаж, чиг үүрэг өгч ажилладаг. Гэтэл УИХ-ын гишүүд нь сайд болчихоор хяналт тавих боломжгүй, чиг үүрэг өгөх боломжгүй болоод байгаа юм. Шинэ Засгийн газар хэмнэлтийн горимоор ажиллахыг шахаж, дэд сайдаасаа татгалзах, яамдын тоог бууруулах, ядаж нэмэхгүй байх ёстой гэсэн саналтай байгаа.

УИХ-ын гишүүн Д.Эрдэнэбат:

-Намрын чуулганаар хэлэлцэх маш чухал асуудал бол Засгийн газрын бүтэц. Шинэ Засгийн газрын бүтэц дээр бидний байнга ярьж байсан ашиг сонирхлын зөрчил, давхар дээл, дэд сайдууд гээд анхаарах олон зүйл бий. Дахиж алдаж болохгүй гэж үзэж байгаа учраас энэ талаар Ерөнхий сайдад нэр дэвшигчтэй зөвшилцөнө.

Намрын чуулганаар Үндсэн хуульд нэмэлт, өөрчлөлт оруулах эсэх асуудлыг хэлэлцэхээр ярьж байгаа. Ардчилсан намын зүгээс Үндсэн хуульд өөрчлөлт оруулах асуудлыг дэмжинэ. Гэхдээ ард нийтийн санал  асуулга явуулсны дараа Үндсэн хуульд нэмэлт өөрчлөлт оруулах асуудлыг УИХ-аар хэлэлцэх ёстой гэсэн байр суурьтай  байгаа. Мөн Үндсэн хууль бол нийгмийн зөвшилцөл, улстөрийн намуудын  саналыг бүрэн хангаж байж хэлэлцэх ёстой хууль юм. 

Ш.ЧИМЭГ

20 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ИРГЭН 2017-10-03 202.72.245.207

БҮТЦИЙН ӨӨРЧЛӨЛТ ГЭЖ МАНАЙД ХҮН ХАЛЖ СОЛИХ ЭРХТЭЙ БОЛОХ ГЭСЭН ҮЙЛДЭЛ БОЛОХООС ӨӨР ЮУ Ч БИШ ШҮҮ ДЭЭ ҮНЭНДЭЭ ХУЛУУ ХИЙХЭЭС ӨӨРИЙГ БОДДОГГҮЙ БАЙЖ БОДЛОГО МОДЛОГО ЯРЬДАГ НЬ ИНЭЭДТЭЙ ЭМГЭНЭЛТЭЙ ШҮҮ

Avatar

Зочин 2017-10-03 27.123.212.130

Zasgiin butets heveer bg. Zagast ni bgaa malnuudaa zaazla.

Avatar

Зочин 2017-10-03 122.201.25.46

Яараад яахав, шинэ ЗГ байгууллаа гээд амьдрал өөрчлөгдөх биш.

Avatar

Зочин 2017-10-03 182.160.1.230

Ухантаад байлгүй ЗГ -ыг түргэн ажилд нь оруулаачээ. Хурд хурд бас дахин хурд. Цаг цаг,цаг..

Avatar

Зочин 2017-10-03 182.160.1.230

Тэрбишдагвыг яагаад ЕС -д нэрийг нь дэвшүүлдэггүй юм бол? Бас Улаан байна.

Avatar

Зочин 2017-10-03 202.131.231.50

Ер нь ажаад байхад засаг огцрох шалтгаанууд нь 65 ын хүчинд хэт их бардаж өмнөх засгийн газрын ажлуудын ололттой талуудыг бүгдийг гацаасан зогсоосон явдал. Хүрснийг дэмжиж урагшлахын оронд хэрэгжиж байсан бараг бүх хөтөлбөр зогсоосон нь ажил нь гацах шалтгаан болжээ. Цагдаа хүчний байгууллагууд улстөрчдийн гар хөл болж болсон болоогүй даалгавраар урд хормой ухах төнхөж их цаг алдаж нэр нүүрээ барлаа түүний оронд 60 тэрбум оффшортой тууштай ноцолдох байж дээ. Шүлхий өмнө нь Улаанбаатрын бүсэд орж ирж байгаагүй санагдахын. Зориуд тараасан гэж хүмүүс яриад байхын тэр худлаа байж гэж бодоход яахаараа энэ өвчин хот руу ороод ирэв. Сайд нь [Хориотой Үг] шүлхийний вакцинтай ноцолдож хэдэн цаас босгох гээд баларчих вуу. Олон түмэн тийм ойлголттой байна. Нийслэлийн байж байгаа царайг хар Хурал удирдах даргаа томилж чадахаа байтлаа дампуурсан улсын цуглуулгын газар болсон. Төрийнн цагдааг нэг нэр барьж хонжоо хайсан нөхөр дайрч давшлаад ямар аймаар юм бэ. Эрт дээр үед хаадууд олон эхнэртэй байж хүүдүүд өсөхийн хэрээр хоорндоо суудал булаацалдаж улс орноо тарааж бутаргасан түүх байдаг. Энэ цагт нам төрийн дээр гарч ийм [Хориотой Үг] үзүүлснээс төрийн хямрал нүүрлэх боллоо. Үндсэн хуулинд эхлээд дордуулсан 7 өөрчлөлтийг хийж засахгүй бол 20 хүн хууль баталдаг засаг огцруулдаг болоод удлаа шүү эрх баригчид минь ээ. Тэр нэг төрийн сайд хүн орон [Хориотой Үг] орох талаараа төрийн ордонд бидний хүндэлж дээдэлдэг орон гэрээс минь цээж дэлдээд уналаа юу болж байна аа. Бид хэнийг сонгочихоо вэ.

Avatar

Иргэн 2017-10-03 202.72.245.70

Ойлгомжтой л доо, МАН-ын энэ идэж ханадаггүй мангасууд бүгдээрээ нэг нэг яамтай болох байх……..Хүрэлсүхийн улаан хамгаалагчид олон, тэр бүхэнд нэг яам бий болох байлгүй…….Кккккк

Avatar

Зочин 2017-10-03 203.91.115.36

Манайд улс орны хөгжил эдийн засгаа урт хугацаанд хардаг төлөвлөдөг байгууллага байх хэрэгтэй.
Өнөөдрөө биш маргаашаа хардаг байгууллагатай болох хэрэгтэй.

Avatar

иргэн 2017-10-03 202.179.24.157

энэ тэрбишдагва [Хориотой Үг] дандаа л ярилцлага өгөх гээд л гүйж явах юм өөр олигтой хүн алга уу

Avatar

Иргэн 2017-10-03 59.153.114.230

Энэ улстөрч нэртэй хүмүүсийг яах вэ. АН өмнө нь засаг барьж байхдаа их хурлын гишүүн сайд байж болно гээд л сууж байсан. Одоо энэ Эрдэнэбат болохгүй гээд их мундаг "нээлт" хийгээд байх юм. Уул нь Монгол шиг улсад энэ жижиг их хуралд сайд, гишүүн хамт байх хэрэггүй нь аль эрт тодорхой болчихсон л доо. Даанч зөв ярьж байгаа шиг мөртлөө буруу хийдэг "х****л" туссан шиг л харагдах юм…

Avatar

Зочин 2017-10-03

Тэр агентлагуудын дэд дарга буюу орлогч дарга гэж хэрэггүй орон тоог бас цомхотгоочээ

Avatar

зочин 2017-10-03 103.26.195.27

давхар дээлнээс татгалзах хэрэгтэй мэрэгжлийн чадварлаг зов сэтгэлтэй хумуусийг сайд болгоорой

Avatar

Зочин 2017-10-03 43.242.243.131

косметик Баттөмөр сайд болох нь үү

Avatar

Зочин 2017-10-03 88.202.181.5

автотээврин салбарт бизнес эрхэлдэг иргэн миний хувьд энэ Зам тээврийн сайд Ганбат харин нэг их улстөржилгүй ажлаа мэдэж хийдэг хүн шиг харагдаад байгаа. Зарим шийдвэрүүд нь амьдралд ойрхон гарч байна. Агаарын, хөрсөнд буухгүй юм ярихгүй байна. Тэр нэг дэд сайдын орон тоо ч хэрэггүй дээ. Дэд сайд нь нисэхийн талаар их юм хийгээд бололтой харагддаг юм билээ. Нисэхийн билет нтр-ийг хямдруулна гээд л . Цогтгэрэл МИАТ-ын дарга болвол харин зөв зүйтэй томилгоо болж магадгүй байх шүү Хүк сайдаа.

Avatar

Зочин 2017-10-03 112.72.15.66

АЖИЛЛАЖ ЧАДАХГҮЙ БАЙНА ГЭЖ ОРИЛСООР БАЙГААД ЗАСГАА УНАГААЧИХААД ОДОО ЗАСГАА ӨӨРЧЛӨХГҮЙ Ч ГЭХ ШИГ МАНЫНХАН ҮНЭН ЮМТАЙ

Avatar

Зочин 2017-10-03 66.181.187.172

Бутэц бутэц л гэх юм, бодлого гэж юм бна уу?! Яаралтай засгийг байгуулж шуурхай ажиллуулах шаардлагатай бн. Боловсон хучингуй болцгоосон намуудад итгэх итгэл унэндээ алгадаа.

Avatar

Зочин 2017-10-03 103.9.90.227

Тэрбишдагвад яам байгуулж өгөх хэрэгтэ йюм уу? Тэгээд

Avatar

Зочин 2017-10-03 122.201.22.110

баттөмөр гишүүн …….байна

Avatar

зочин 2017-10-03 202.9.43.198

албан тушаалын тачаал гэж энэ байхдаа ЕР НЬ ХӨРӨНГӨЖСӨН НӨХДҮҮДЭЭС ҮР ДҮН ГАРАХГҮЙ ДЭЭ??? энэ амьдралд байгаа бидний түүх

Avatar

Зочин 2017-10-03 43.242.243.74

Ямар сүртэй зурагнууд вэ. Сайн хар даа.

NewsMN Гар утасны хувилбар Татах
NEWS.mn

Мэдээллийн эх сурвалж