Эко дүүрэг – Ногоон сургууль | News.MN

Эко дүүрэг – Ногоон сургууль

Хуучирсан мэдээ: 2017.10.02-нд нийтлэгдсэн

Эко дүүрэг – Ногоон сургууль

Google, Apple, Microsoft компаниуд даяарчлалын сүлжээний мэргэжлийн хэрэглэгчдийн дунд хамгийн шаардлагатай нь байдгийг LinkedIn-ий чансааны жагсаалт харуулав.

Аливаа улсын нийслэлийн 90 хувь нь ногоон байгууламж байна гэсэн олон улсын стандарт байдаг юм байна. Гэтэл манай улсын нийслэл Улаанбаатар хотын ердөө тавхан хувь нь ногоон байгууламж байдаг гэсэн харамсалтай тоо бий. Тиймээс сүүлийн жилүүдэд нийслэл, дүүрэг, хороо шат шатандаа энэ асуудалд багагүй ач холбогдол өгч байгаа.

Тухайлбал, Хан-Уул дүүргийн Засаг дарга 2017-2020 оны үйл ажиллагааны хөтөлбөртөө “Эко дүүрэг-Ногоон хөгжил” зорилтыг тусгаж, нийслэлийн өнгийн тодорхойлогч Хан-Уул дүүрэг нь “ЭКО ДҮҮРЭГ” болох зорилт дэвшүүлэн ажиллаж буй юм.

Тус ажлынхаа хүрээнд өнгөрсөн амралтын өдөр буюу 2017 оны 09 дүгээр сарын 30-ны өдөр “Мод тарих аян” өрнүүлж Эко дүүрэг – Ногоон сургууль хөтөлбөрийг хэрэгжүүллээ.

Дүүргийн Засаг дарга болон Хөдөө аж ахуйн их сургуулийн хамтран ажиллах санамж бичгийн хүрээнд ногоон байгууламжийг нэмэгдүүлэх, байгаль орчныг нөхөн сэргээх, байгаль орчноо хамгаалах үйлсэд хүн бүрийн оролцоог нэмэгдүүлэхэд оршиж Хан-Уул дүүргийн 16 дугаар хорооны ‘Буянт – Ухаа’ цогцолбор сургуулийн гадна талбайд нийт 10 төрлийн 1200 гаруй мод, бут сөөгийг тарилаа.

Мод тарих аянд Хан-Уул дүүргийн удирдлагууд, Засаг даргын Тамгын газрын хэлтэс албадын дарга, ажилтан албан хаагчид, Иргэдийн Төлөөлөгчдийн Хурлын төлөөлөгчид болон Тэргүүлэгчдийн ажлын албаны ажилтан албан хаагчид бүрэн хамрагдаж идэвхитэй оролцлоо.

Эх сурвалж: ХУД

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж