Оюутолгойн Хөрөнгө оруулалтын гэрээ байгуулав (2009.10.06) | News.MN

Оюутолгойн Хөрөнгө оруулалтын гэрээ байгуулав (2009.10.06)

Хуучирсан мэдээ: 2017.10.02-нд нийтлэгдсэн

ЭНЭ 7 ХОНОГ ТҮҮХЭНД

Оюутолгойн Хөрөнгө оруулалтын гэрээ байгуулав (2009.10.06)

1925.10.05 БНМАУ-ын III Бага хурал хуралдав.

1937.10.02 Сайд нарын зөвлөлийн хамтарсан хурлаас “Онц бүрэн эрхэт комисс” гэгчийг байгуулав. Тус комисс нь улс төрийн хэрэгтнүүдийн хэргийг ерөнхийд нь хянаж, эцсийн шийдвэр гаргах эрхтэй ба 1939 оны дөрөвдүгээр сард татан буугдах хүртлээ 25785 хүний хэргийг хэлэлцэж, 20099 хүнд буудан алах ял, бусдад нь 10-аас дээш жил хорих ял шийтгэж байжээ.

1937.10.07 Улаанбаатар хот, Засгийн газрын хамтарсан хурлаар Улаанбаатар хотын орлогч дарга Д.Ламжав, Нарийн бичгийн дарга Ширнэн нарыг өөрчилж, Д.Лосолыг хотын орлогч дарга, Дамдинсүрэнг нарийн бичгийн даргаар томилжээ. Д.Ламжавыг “П.Гэндэн, Г.Дэмидийн эсэргүү бүлгэмийн гишүүн” гэсэн хэрэгт хилсээр шийтгэжээ. Түүнийг 1962 онд цагаатгасан.

1942.10.05 Монгол улсын анхны их сургууль байгуулагдав. МУИС-ийн нээлт “Ленин” клубт болж, Ерөнхий сайд Х.Чойбалсан, МАХН-ын Төв хорооны ерөнхий нарийн бичгийн дарга Ю.Цэдэнбал, Улаанбаатар хотын тэргүүлэгчдийн дарга Г.Бумцэнд нар оролцож, үг хэлжээ.

1949.10.06 БНМАУ ба БНХАУ-ын хооронд дипломат харилцаа тогтоов.

1949.10.06 БНМАУ ба Кантоны Засгийн газрын хоорондын дипломат харилцааг таслав.

1967.10.07 Монголын зурагт, радиогийн хүүхдэд зориулсан анхны нэвтрүүлэг “Бидний шинэ танил” нэртэйгээр цацагдав.

1998.10.02 Монголын ардчилсан хөдөлгөөний анхдагчдын нэг, УИХ-ын гишүүн Санжаасүрэнгийн Зориг бусдын гарт амь үрэгдэв.

2015.10.08 УИХ-ын чуулганы нэгдсэн хуралдаанаар Ерөнхийлөгчийн санаачилсан Монгол Улсын Төрийн цэргийн бодлогын үндсийг батлах тухай УИХ-ын тогтоолын төслийг хэлэлцэн батлав. 

2009.10.06 Монгол Улсын Засгийн газар Айвенхоу Майнз болон Рио Тинто компаниуд Хөрөнгө оруулалтын гэрээнд гарын үсэг зурлаа. Ингэснээр Монгол Улсын Засгийн газар Оюутолгойн уурхайн 34 хувийг эзэмших болов. 

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

иргэн 2017-10-02 202.9.41.235

тэр Санжийн Баярыг барьж [Хориотой Үг] хийгээд, Оюу толгойн [Хориотой Үг] гэрээг яаралтай өөрчлөх хэрэгтэй шүү дэ. шинэ ерөнхийлэгч яагаад энэ тал дээр ажиллахгүй байна аа. юуны өмнө С. Баярыг буруу зүйл хийсэний хариуцлагыг нь хүлээлгэ. тэр Оюу толгойн гэрээний авилгаас буй болсон АНУ-д байгаа том үнэтэй хаусуудыг хураах хэрэгтэй. Эхний гэмтэнг цээрлүүлэхгүй бол дараагийн гэмтэнг хэрхэн яаж цээрлүүлэх болж байна. Хэрхэн яаж дараагийн гэрээ хэлэлцээрүүдийг зөв хийж чадах вэ. одоохон анхны гэмтэнг цээрлүүл

Avatar

зочин 2017-10-02 103.10.22.22

Монголыг 200-300 жил тэжээх ордыг Санжаа Баяр гэж муу [Хориотой Үг] авилгаар өгсөн монголын түүхэн дэх хамгийн муу гэрээ Рио Тинтогийн хувьд хамгийн сайн гэрээ болсондоо Саяхан хэвлэлээр Рио Тинто түүхэндээ хамгийн ашигтай ажиллаж хувьцаа эзэмшигчиддээ 2-3 тэрбум доллар өгнө гэсэн байсан Энэ бол Оюу толгойгоос луйвардаж авсан мөнгө шүү дээ Оюу толгойгоос 6-7 дахин бага нөөцтэй Эрдэнэт Монголыг 40 жил тэжээлээ ахиад 40 жил тэжээнэ гэж байна Эрдэнэт үйлдвэрийг дагаад 100000 гаруй мянган хүн амтай хот орон сууц, сургууль, цэцэрлэг, олон арван соёл урлаг, үйлдвэр үйлчилгээний газрууд ажиллаж байна Манайхан дэлхийд байхгүй том бүтээн байгуулалт гээд байгаа Оюу толгойд хүдэр утлах, угаах, савлах зориулалттай 5-6 ширхэг асар том сэндвичэн байшин, ажилчдын сууц, контор, банк г.м цөөхөн хэдэн 1 давхар сэндвичэн байшинтай том төмөр хашаагаар хүрээлсэн хаалга бүр нь харуул хамгаалалттай сайнаар хэлвэл түр хотхон саараар хэлвэл Оросын ГУЛАГ буюу бөөнөөр хорих газартай төстэй газар байна Дэлхийд эхний 10 т орох том үйлдвэр гээд байгаа юм Энд дэлхийн хамгийн өндөр хүчин чадалтай техникээр Оюу толгойн баялгийг тогтвортой байдлын гэрээ байгуулсан 30 -40 жилийн дотор хоослон авах их ажил өрнөж байна Энэ бүхний эцэст бид хөндий хоосон ухсан нүхтэй хөрс ургамал ус байхгүй эзгүй элсэн цөлтэй л үлдэх нь ….аяа юутай гунигтай юутай өрөвдөлтэй вэ монголын ард түмэн

Avatar

Зочин 2017-10-02 202.55.191.130

Оюу толгойн гэрээ зурагдаснаар хэдэн арван мянган хүн ажилтай, орлоготой болж хэдэн зуун компани хөл дээрээ босов. Энэ мундаг олон боловсон хүчийг дараагийн Оюу толгой, дараагийн 10 жилийн бүтээн байгуулалтад ашиглах боломжийг нээж өгөөрэй төр засаг минь.

Avatar

иргэн 2017-10-02 202.70.34.70

2009 оны энэ өдөр Монгол Улсын түүхэн дэх хар өдөр байж дээ хөөрхий,

NewsMN Гар утасны хувилбар Татах
NEWS.mn

Мэдээллийн эх сурвалж