Испанийн засгийн газраас хориглосныг үл тоон Каталон бүс нутагт аравдугаар сарын 1-нд тусгаар тогтнолын төлөөх бүх нийтийн санал асуулга явуулахаар  болжээ. Санал авах байруудын гадна өнгөрсөн шөнө олон зуун хүн цугларч хоносон байна. Испанийн засгийн газраас санал асуулгыг зогсоохоор цагдаа нарыг дайчилжээ. Гэсэн ч тусгаар тогтнолын санал асуулгыг дэмжигчид санал авах байр болох сургуулиудыг манаж хоносон аж. Санал асуулга орон нутгийн цагаар өглөө 09.00 цагт эхлэх боловч хүмүүс үүрийн 05.00 цагаас санал авах байрны гадна цугларч эхэлжээ. Каталоны иргэдийн зүгээс цагдаагийн хүч түрэмгийлэлгүй энх тайван санал хураалт явуулахыг Испанийн эрх баригчдад хандан уриалсан байна.

7.5 сая хүн амтай Каталон нь Испанийн зүүн хойд хэсэгт орших өөрийн хэл, соёлтой, чинээлэг бүс нутаг аж.

Эх сурвалж: ВВС

Б.ТУЯА