“Гоё кап” волейболын залуучуудын улсын аварга шалгаруулах тэмцээн есдүгээр сарын 25-нд Спортын төв ордонд эхэлж, тав дахь өдрөө үргэлжилж байна. “Витафит” группийн ивээл дор 16 жил зохион явуулсаар ирсэн тус тэмцээнд 16-21 насны залуучууд оролцдог, хамгийн өрсөлдөөнтэй тэмцээний нэг болжээ.

Эрэгтэй хагас шигшээ тоглолтод нэлээн өндөр амжилт үзүүлэх боломжтой байсан “Тэнүүн огоо” баг “Эрчим” багийг 3:2-р хожин, “Хос бар” багт 1:3-р хожигдсоноор тоглолтыг үргэлжлүүлэх боломжгүй болжээ. Ингэснээр шигшээ тоглолт тун өрсөлдөөнтэй болох нь дамжиггүй болж байна.

Харин эмэгтэй багийн хувьд хамгийн хүчтэй өрсөлдөгчид “Хилчин”, “Энагура” баг. Тэдний хувьд тэмцээнийг амжилттай үргэлжлүүлж байна.

 “Сэлэнгэ Зүүн хараа-Арцат” баг тоглолтыг зохион байгуулагчдад мэдэгдэлгүй орхисон тохиолдол гарчээ.

Амралтын өдрүүдэд үргэлжлэх хагас шигшээ, шигшээ багийн тоглолтуудыг та бүхэн Спортын төв ордонд хүрэлцэн ирж, үзэх боломжтой. Энэ удаагийн тэмцээнд Монголын волейболын холбоо Тикет.мн сайттай хамтран ажиллаж, анх удаа дотоодын тэмцээний зохион байгуулалтыг сайжруулах алхам хийжээ.

Б.ЭНХ