Поп-дуучин Шер АНУ-ын чартын оргилыг 60 нас гараад авч байгаа түүхэн амжилтын эзэн болов. Энэ сарын 20-нд гаргасан Billboard Dance/Club Play Songs чартад Шерийн "You Haven"t Seen the Last of Me " сингл тэргүүн байранд оров. Энэ зохиомж нь нэгдүгээр сарын 16-нд “Бурлеск” хөгжмийн кинонд орсныхоо төлөө “киноны шилдэг оргинал дуу” номинациар “Алтан  бөмбөрцөг” авчээ. Шерийн шинэ амжилтын тухай Billboard мэдээлэхдээ “Миний нас дөнгөж 40 юм бол би тэр 60 жилийг хаанаас мэдэх билээ?” хэмээн шоглосон байв. Хөгжмийн карьер нь 1960-аад оны эхээр эхэлсэн Шер ирэх тавдугаар сард 65 насны ойгоо тэмдэглэнэ.

Анх удаа Шер 1965 оны наймдугаар сарын 15-нд Sonny & Cher хослолын "I Got You Babe" дуугаар чартыг тэргүүлсэн ба 1970-аад онд "Gypsys, Tramps & Thieves" (1971), "Half-Breed" (1973) и "Dark Lady" (1974) дуунуудаар чартыг гурванч удаа тэргүүлж байлаа. Наяад онд Сетертой хамт ("After All") ба ганцаар ("If I Could Turn Back Time") хоёр удаа 1989 оны чартад тэргүүлжээ. Ерээд онд "Believe", "Strong Enough" ба "All or Nothing" (бүгд – 1999 онд) гурван удаа хит жагсаалтын оргилд байв. 2000-аад онуудад  "A Different Kind of Love Song" (2002) и "When the Money"s Gone" (2003) синглүүд нь бас л тэргүүн байранд түүнийг гаргажээ.