Францын ерөнхийлөгч Николя Саркози Эльзас мужаар айлчилж явахдаа хөдөө аж ахуйн ажилтнуудын өмнө Эльзас мужийг Германых гэж хэлэн бантан хутгажээ. Энэ тухай Europe1 радио станц мэдээлсэн байв.

"Би Энэтхэг, Хятадтай өрсөлдөөн зөрөлдөөнтэй байж болно. Харин Германтай бол хэзээ ч үгүй гэдгээ хүндэт Филипп Ришет (Эльзас  мужийн тэргүүн) танд хэлье. Үүнийг танай Германд байгаадаа ч хэлж байгаа юм биш” хэмээн Саркози хэлсэн нь танхимд цугларагсад инээлдэж шүгэлдсэн байна.

Ер нь бол Эльзас муж хоёр орны  сөргөлдөөнийг урт хугацаанд гаргаж байсан ба 1871  оны дайны дараа Эльзас ба Лотаринг Германд очсон байлаа. Дэлхийн I дайны дараа л Франц тэр нутгийг авсан. Дахиад алдаад байснаа дэлхийн II дайны дараа Франц дахин тэднийг авчээ.