Ерөнхий боловсролын дунд сургуулийн сурагчдын өвлийн хоёрдугаар улирлын амралт өнөөдрөөс эхлээд байна. Амралт хоёр долоо хоног үргэлжилнэ.

Өнөө жилийн хувьд сурагчдын амралтыг бага зэрэг урагш татсан нь цаг агаарын хүйтрэлтэй холбоотой аж. Монгол орны нийт нутгаар нэгдүгээр сарын хоёрдугаар арав хоногийг өнгөртөл хүйтний эрч эрс чангарч, зарим нутагт 50 хэм хүрэх төлөв гарсан тул, түүнийг харгалзан, оргил хүйтэн байх үеийг тааруулж, дунд сургуулийн сурагчдын өвлийн амралтыг зохицуулжээ.