“Bank of China” буюу Хятадын банк Хонконгт үйл ажиллагаа явуулаад 100 жилийн нүүрийг үзжээ. Энэ сарын 25-нд үйлчилгээнийхээ түүхийг харуулсан дурсгалын мөнгөн дэвсгэрт хэвлэснээ олон нийтэд танилцуулан, ойн баяраа тэмдэглэлээ.

Хятадын дөрвөн том арилжааны банкны нэг “Bank of China” нь дэлхийн 40 орчим оронд төлөөлөгчийн газартай, Шанхай болон Хонконгийн хөрөнгийн биржид бүртгэлтэй аж. Мөн Хятадын түүхэнд 100 гаруй жил үйл ажиллагаа явуулж байгаа цорын ганц банк бөгөөд 1912 онд Хятадын Засгийн газар байгуулж байжээ.

Эх сурвалж: CCTV