Өчигдөр /2017.09.27/ “МХБХ-ны цом” тэмцээний хагас шигшээд “Эрчим”-ийг 1:0-ээр хожиж аваргын төлөө тоглох эрхтэй болсон “Улаанбаатар сити”-ийн өрсөлдөгч өнөөдөр тодорхой болно. Өнгөрсөн жил “Холбооны цом”-ын мөнгөн медаль зүүсэн “Дэрэн”-ийн залуус энэ удаад аваргын цом өргөхийг хүсэж байгаа нь дамжиггүй. Гэхдээ тэдний өрсөлдөгч “Эф Си Улаанбаатар” амар өрсөлдөгч гэдэг нь мэдээж. Хоёр баг “Хүрхрээ үндэсний лиг”-ийн улирлын тоглолтууддаа бие биесээ 1:0-ээр хожсон учраас өнөөдрийн “Холбооны цом”-ын учраагаар хайнаа хагална гэхэд хилсдэхгүй. “Дэрэн” дахин шигшээд үлдэх үү?, нийслэлийн нэрийг эзэмшигчдийн аваргын төлөө тоглох уу? гэсэн асуултуудын хариултыг өнөөдөр 19:00 цагаас явагдах тоглолтоос авах боломжтой. Та бүхэн МХБХ-ны цэнгэлдэх хүрээлэнд хүрэлцэн ирж үнэ төлбөргүй багаа дэмжихээс гадна mycujoo.tv-ээр шууд хүлээн авч үзнэ үү.

Эф Си Улаанбаатар – Дэрэн ШУУД ҮЗЭХ

Эх сурвалж: МХБХ