“Миний сүлжээ” дэлгүүрээс 25 жилийнхээ ойн баярыг тохиолдуулан хэрэглэгч, харилцагч, худалдан авагч нартаа зориулан зохион байгуулж буй “Surprise-тай сугалаа” хөтөлбөрийн супер шагналын азтанууд шалгаруулах хонжворт сугалааны тохирол өчигдөр буюу есдүгээр сарын 25-ны өдөр “Боловсрол суваг” телевизээр амжилттай явагдаж өндөрлөлөө.

45,000 төгрөгийн худалдан авалт хийсэн хүн бүрт хусдаг болон хонжворт хоёр төрлийн сугалаа очсон бөгөөд хусдаг сугалааг газар дээр нь хусч арилгаад нэр хүндтэй 30 байгууллагаар 500-6,000,000 хүртэлх төгрөгийн хөнгөлөлттэй үйлчлүүлэх эрх хожих боломжтой бол худалдан авалтын талон дээрх дугаар бүхий сугалаагаараа хэрэглэгчид маань сар бүр супер шагналын төлөө азаа үзэх боломжтой болсон юм.

Шууд тохирлын үеэр нийт долоон тохирлоор 25 азтан шалгаруулсан бөгөөд шагналыг өнөөдөр буюу есдүгээр сарын 26-ны өдөр 17.00 цагаас Нарны зам дагуу байрлах “Миний Хайпермаркет-1” салбар дээрээ гардуулах юм.

“Surprise-тай сугалаа” хөтөлбөр нь арванхоёрдугаар сарын 24-нийг дуустал “Миний сүлжээ” дэлгүүрийн бүх салбарт үргэлжлэх бөгөөд нэг сугалаагаараа та бүх тохиролд азаа үзэх боломжтойг дуулгахад таатай байна.