Зүүн бүсийн зөвлөл тэргүүний сумаа тодруулж чадсангүй. Бүсийн гурван аймгаас дөрөв дөрвөн хүний бүрэлдэхүүнтэй ажлын хэсэг гарч, мянга гаруй замыг туулан байж, аймгаасаа шалгарсан Сүхбаатар аймгийн Түмэнуогт, Хэнтий аймгийн Өмнөдэлгэр, Дорнодын Дашбалбар сумын ажил төрөлтэй газар дээр нь танилцаж, МУ-ын  Засгийн газрын 2009 оны 193 дугаар тогтоолоор батлагдсан “Улсын тэргүүний сум шалгаруулах болзол“-ын дагуу 19 шалгуур үзүүлэлтээр сумдынхаа ажилд хувь, оноо өгөхдөө талцан маргалдснаас болж нэгдсэн дүгнэлтээ гаргаж бүсийн зөвлөлийн хуралдаа оруулж чадалгүй тарцгаасан гэнэ.

 Энэ ажлын хэсгийнхэн өөр өөрийн сумаа шилдэгээр шалгаруулах гэж хэт зүтгэснээс гадна сумын ажил дүгнэх аргачлалыг   эхнээсээ тодорхой тохироогүйгээс болсон байна.