Энэтхэгийн бөхийн холбооны урилгаар Монголын чөлөөт бөхийн холбооны ерөнхий нарийн бичгийн дарга, Монгол Улсын Гавьяат дасгалжуулагч Б.Батбаяр Дэлхийн бөхийн нэгдсэн холбооны дасгалжуулагчдын нэгдүгээр шатны сургалтыг удирдан явуулж байна.

Онол, практик хосолсон тус сургалт Энэтхэгийн Сонепат хотод өнөөдөр /2017.09.26/ эхэлсэн бөгөөд аравдугаар сарын 3-ныг хүртэл үргэлжилнэ. 

Б.Батбаяр нь Дэлхийн бөхийн нэгдсэн холбооны Хөгжлийн хэлтсийн албан ёсны сургагч бѳгѳѳд энэ удаа Ази номхон далайн орнуудын хөгжил хариуцсан төлөөлөгч, Украин улсын иргэн Андрей Вронцов түүнтэй хамт тус сургалтыг удирдан явуулж байна.

Сургалтад 85 дасгалжуулагч хамрагдаж байна. Шалгалтад тэнцсэн дасгалжуулагчдад Дэлхийн бөхийн нэгдсэн холбооны сертификат олгоно.

Олон улсад зохион байгуулдаг энэхүү сургалтыг ирэх арваннэгдүгээр сарын сүүлээр Монголд явуулахаар төлөвлөжээ. 

Б.ЭНХ