Багш нарын ажил хаялт өнөөдөр /2017.09.26/ үргэлжилж байна. Есдүгээр сарын 21-ний өдрийн анхны ажил хаялтад улсын хэмжээнд 654 сургуулиас 366 нь, 867 цэцэрлэгээс 286 нь ажиллаагүй гэсэн тоо бий. Нийт сургуулиудын 50 хувь, цэцэрлэгийн 30 хувийг хамарсан ажил энэ удаад 80 хувь болтлоо өргөжиж байгааг ‘Багшийн цалин нэмүүлэх түр хороо’-ныхон онцолжээ.

Энэ удаагийн ажил хаялтад цэцэрлэгийн багш нар нэгдэж, илүү идэвхтэй оролцож байгааг ч мөн тодотгожээ. Учир нь хүүхдүүдээ цэцэрлэгт өгч байж л ажлаа хийдэг эцэг эхчүүд олон байдгаас ажил хаялт илүү олон хүнд мэдрэгдэнэ гэж тооцоолсон бололтой. Багш нар хоёр өдрийн сануулах хаялтыг үл тоомсорловол цаашид хугацаагүй ажил хаялт зарлана гэж сүрдүүлсэн хэвээр байна. 

Д.Цэц