“Ят-Ха” Монголд. Тувагийн алдарт “Ят-Ха” хамтлаг өнөөдөр Монгол дахь анхны тоглолтоо хийх гэж байна.

Монгол туургатны нэрийг дэлхийд гаргаж яваа тус хамтлаг 1990-ээд оны дунд үед байгуулагджээ. Үндэсний язгуур урлагийн суурин дээр орчин үеийн хэв маягийг агуулсан этно-фанк рок чиглэлээр уран бүтээлээ туурвидаг ба зургаан цомог гаргасан. Урианхайн хязгаар буюу Тувагаас дэлхийд танигдсан анхны хамтлаг гэж болно.

Сүүлд ‘Хуун Хуур Ту’, ‘Алаш’ зэрэг олон хамтлаг энэ замаар замнан гарсан ч “Ят-Ха” шиг алдаршсан нь үгүй. On’n Off Production, Bro’s Records хамтран тоглолтыг зохион байгуулж байна.

Тоглолт 19:00 цагаас “On and Off” продакшны үзвэрийн танхимд болно.

Дэлхийн хөөмийн холбооноос хэрэгжүүлж буй хөтөлбөрийн хүрээнд уг тоглолтыг Улаанбаатарт тавьж байгаа юм. 

Б.ЭНХ