Фэйсбүүк компани ОХУ-ын Засгийн газрын агентлагуудын захиалгаар нийлүүлсэн 3000 гаруй зар сурталчилгааны контентуудыг АНУ-ын Конгрессын шинжээчдэд өгөх болсноо мэдэгдлээ.

Конгрессын гишүүдийн зүгээс ирэх дарамт шахалт улам нэмэгдсэн нь Фэйсбүүк компанийг ийм шийдвэр гаргахад хүргэсэн гэнэ.

Фэйсбүүк компани 2016 оны АНУ-ын ерөнхийлөгчийн сонгуульд хөндлөнгөөс оролцсон гэх ОХУ-ын зарим иргэдийг шалгаж байсан холбооны засгийн газрын өндөр албан тушаалтнуудад өмнө нь бас тэдний контентуудыг өгч байсан юм байна.

Фэйсбүүк хуудсанд ОХУ-ын засгийн газрын агентлагуудаас нийлүүлсэн зар сурталчилгаа тавигдсаар байгаад АНУ-ын Сенатын тагнуулын тусгай хороо Фэйсбүүк компанийн удирдлагуудыг дуудаж, анхааруулсан ажээ.

Зарим хэрэглэгчид Фэйсбүүкийн удирдлагуудыг хүний хэрэгт хошуу дүрэгсдийн гар хөл болж байна хэмээн шүүмжилж байгаа юм.

Орчуулсан Н.Энхтуяа

Эх сурвалж: AP