BAE Systems компанийн мэргэжилтнүүд танкууд пуужингийн дуран хараанд мэдрэгдэхгүй байх технологийг зохиолоо. Хамеолоны зарчмаар ажиллах динамик өнгө хувиргагч төхөөрөмжийг танкуудад суурилуулсан юм. Их Британийн  BAE Systems компанийн төлөөлөгч Хишам Эвод энэ систем нь байлдааны үед танкуудын харагдах байдлыг багасгах зориулалттай хэмээн ярилаа. Учир нь танкууд том овор хэмжээтэй, хурд багатай байдаг учир эсрэг талын галын бай болдог. Тиймээс энэ технологи нь хүрээлэн байгаа орчны өнгийг өндөр нарийвчлалаар тусгах есөн камераар танкийг тоноглон хуягийн гадна талын өнгийг өөрчлөх юм. Танкийн гадна тал OLED гэрлийн диодын тусламжтайгаар дэлгэцийн өнгийг тусгах аж.

Харин танкийн цамхаг болон бууг хамгаалах аргыг одоогоор олоогүй байгаа тухай Лондоны Харах Системийн Лабораторийн захирал Алан Жонстон мэдээлсэн бөгөөд ойрын таван жилд энэ системийг сайжруулах юм байна.