АК-47 бол хамгийн алдартай зэвсэг. Магадгүй дэлхийн түүхэнд хамгийн олон хүний аминд хүрсэн зэвсэг ч байж мэднэ.

Тэгвэл, тэрхүү зэвсгийг зохион бүтээсэн ОХУ-ын домогт зохион бүтээгч Михаил Калашниковын хөшөөний нээлт Москва хотод өнөөдөр /2017.09.19/ болсон байна. Хөшөөг Калашников өөрийн алдартай бүтээлээ гартаа барьснаар дүрсэлжээ.

1947 онд бүтээгдсэн учир АК-47 хэмээн нэрлэгдсэн энэ автомат буу нь 1960-аад онд дэлхий даяар тархаж, олон орны армийн үндсэн зэвсэг болсон юм. Угсрах, хэрэглэхэд хялбар АК-47 нь хөнгөн, найдвартай ажиллагаатай, маш энгийн хийцтэй, ашиглалтын маш олон давуу чанартай гэгддэг. 

Михаил Калашниковын хөшөө Москва хотын Оружейный ба Долгоруковская гудамжны уулзварт сүндэрлэжээ. Хөшөөг барималч Салават Щербаков урласан байна.

С.ЦЭЛМЭГ