АНУ-ын видео, хөгжмийн алдартай сайт Vevo 2011 онд Их Британи болон бусад улсуудад үйл ажиллагаагаа явуулж эхлэх гэж байгаа тухай Sony music-ийн гүйцэтгэх захирал мэдэгджээ.

Энэхүү видео, хөгжмийн сайтыг Universal Music, Sony Music болон Abu Dhabi-ийн хэвлэл мэдээллийн компани хамтран эзэмшдэг байна. Vevo-г 2010 онд Их Британид нэвтрүүлнэ хэмээн төлөвлөж байсан ч хараахан амжаагүй байна. Энэхүү энтертайнмент сайтыг АНУ-д сар бүр 60 сая хэрэглэгч ашигладаг бөгөөд YouTube, CBS, Viacom-ын дараа ордог дөрөв дэхь алдартай томоохон сайт юм.