Хичээлийн танхимаас гадуур хүүхдүүд гар утсаар мессэж бичих нь тэдний бичих чадварыг сайжруулдаг болох нь тогтоогджээ. Мессэж бичих үедээ “CU L8R” /удахгүй уулзъя/ гэх мэт товчилсон үгсийг ашиглах нь хүүхдүүдийн унших, бичих чадварыг сулруулдаг байж болох ч үүнээс бусад тохиолдолд мессэж бичих нь эерэг үр дүнтэй ажээ.

Харин зарим нэг шүүмжлэгчид текст мессэж нь Англи хэлний стандарт хэлбэр ба хар ярианы үгс хоорондын заагийг үгүй хийж болзошгүй тухай өөрсдийн саналыг  хэлсэн байна. Гэхдээ Конвентри Их сургуулийн эрдэмтэд “Гар утсаар мессэж бичих нь хүүхдүүдийн бичих чадварт сөргөөр нөлөөлөхгүй, эсрэгээрээ хүүхдүүдийн үсэглэх, унших чадварыг хөгжүүлэх эерэг талтай” хэмээн хэлжээ.