ICT EXPO 2017 “Шилдэг Оролцогч” Саммит Компьютер Технологи ХХК

Мэдээллийн технологи, харилцаа холбооны салбарт энэ онд гарсан дэвшилтэт технологийн шийдлүүд, шинэ бүтээгдэхүүн, үйлчилгээг олон нийт, хэрэглэгчдэд танилцуулдаг “ICT Expo-2017” үйл ажиллагаа өнгөрсөн амралтын өдрүүдэд зохион байгуулагдсан.

Энэ жилийн экспод манай компанийн зүгээс өөрсдийн дэлгүүрээр борлуулагдаж буй хамгийн сүүлийн үеийн шилдэг технологи бүхий бараа бүтээгдэхүүнээс гадна удахгүй үйл ажиллагаагаа эхлүүлэх Oculus тоглоомын төвийн тоглоомуудыг хэрэглэгчдэд танилцуулсан бөгөөд манай байгууллага тус ICT Expo 2017 “Шилдэг оролцогч” байгууллагаар шалгаруулсан.

Техник технологийн хамгийн сүүлийн үеийн дэвшилтэт технологи танилцуулсны нэг нь OCULUS VR тоглоомын төвийн танилцуулга байлаа. Удахгүй E-Mart худалдааны төвийн 5 давхарт нээгдэх тоглоонуудаас үзэсгэлэнгийн оролцогч нарт хөнгөлөлттэй үнээр суух боломжийг олгосон юм. Ийнхүү манай асар дээр хүүхэд багачууд томчууд бүгд цуглаж оочир дараалал болон OCULUS VR дээр сууж үзсэн.

Мөн азтай хүүхэд багачууд DELL брэндийн XPS 8910 загварын компьютерийн хүчин чадлыг турших боломж нээлттэй байсан юм.