Монгол бөхийг Геннисийн дээд амжилтанд бүртгүүлсэн өдрөөр “Бизкон аудит” ХХК-ны 15 жилийн ойн баярт зориулсан улс, аймгийн алдар цолтой 256 бөхийн намрын нээлтийн барилдаан өнөөдөр /2017.09.17/ 14.00 цагаас Монгол бөхийн өргөөнд болно.
Энэ үеэр Өвөрхангай аймгийн Хужирт сумын айраг цагаан идээний баяр үзэсгэлэн худалдаа давхар болох юм байна.  Харин энэ өдөр болох байсан Эрчим хүчний салбарын 95 жилийн ойн барилдаан хойшилж, есдүгээр сарын 30-ны 14.00 цагаас болохоор товлогджээ.

Мөн есдүгээр сарын 23-ны 12.00 цагаас Сумын цолтой болон залуу бөхчүүдийн намрын нээлтийн барилдаан, есдүгээр сарын 24-ний 14.00 цагаас Улсын начин Б.Бадралын нэрэмжит аймаг, цэргийн цолтой 256 залуу бөхийн нээлтийн барилдаан Монгол бөхийн өргөөнд болно

Д.УУДАМ