Монгол Улсын ирэх оны төсөвт дэлхийн зах зээл дэх алтны үнийг 1250 ам доллар байхаар тооцжээ. Харин зэсийн үнийг дунджаар 8425 ам.доллар хэмээн баримжаалсан байна. Мөн боловсруулсан нүүрсний үнийг 98.8 ам доллараар тооцож, дээрх ашигт малтмалуудаа дэлхийн зах зээлд гаргаснаар төсөвт 600 орчим тэрбум төгрөг төвлөрнө хэмээн үзжээ.  Зэсийн үнийн төсөөллийг гаргадаг олон улсын байгууллагууд нэг тонн цэвэр зэсийн үнийг 2011 онд 8425 ам.доллар, 2012 онд 8810 ам.доллар, 2013 онд 9500 ам.долларт хүрнэ гэж тооцоолоод байна.