-Лондоны Хөрөнгийн биржтэй биш, охин компанитай нь ТӨХ гэ­рээ хийсэн гэдэг үнэн үү?

-ТӨХ Лондоны Хөрөнгийн бирж­тэй хамтарч ажиллах гэрээ хий­сэн. Гэрээний хүрээнд Лондоны Хө­рөн­гийн биржээс “Millenium IT” программ хангамжийг Монголын Хөрөн­гийн биржид нэвтрүүлэх санал тавьсан. Одоогоор энэхүү санал хэр оновчтой болон программ хан­гамж нь Монголын нөхцөлд тохи­рох уу гэдгийг мэргэжлийн байгуул­лагуудтай хамтран судалж байна. Энэ саналыг л Лондоны Хөрөнгийн биржийн охин компанитай гэрээ хийсэн гэж эндүүрээд байгаа юм.

-Хэрэв энэ программыг  Монго­лын Хөрөнгийн бирж ашиглавал манай улстай хамтарч ажиллах хүсэл­тэй газрууд нь Лондоны Хөрөнгийн биржээр дамжуулан зөвшөөрөл авах ёстой болно гэсэн хардлага байгаа?

-Энэ программыг ашиглах үгүй нь тодорхойгүй байна. Бидэнд санал болгосон. Судалгаа хийж байна. Судалгаа хийж байгаа газруудын нэ­рийг ямар нэгэн дарамт ирж магад гэсэн үүднээс нууцалж бай­гаа. Энэ программ тохирохгүй гэж үзвэл Монголын Хөрөн­гийн биржид тохирох программыг Лон­доны Хөрөнгийн биржид санал болгох эрх бидэнд бий.  Гэхдээ энэ программыг хэрэглэсэн ч гэсэн Монголын Хөрөнгийн биржтэй хамтарч ажиллах хүсэлтэй газрууд Лон­доны Хөрөнгийн биржээр дам­жуулж зөвшөөрөл авна гэсэн асуудал байхгүй.

-Лондоны Хөрөнгийн биржтэй байгуулсан гэрээний хугацаа нь нэг жил гэж байсан үнэн үү?

-Мэдээж нэг жилийн хугацаанд ямар ч ажлыг хийж амжихгүй. Ха­рин бэлтгэл ажлыг ойрын гурван жилийн хугацаанд хийхээр төлөвлөж байгаа. Нарийвчилсан гэрээ хийгдэж дуу­саагүй болохоор гэрээний хам­тарч ажиллах хугацааг хэлэхэд эрт байна.

Лондоны Хөрөнгийн биржтэй хол­боотой гарсан асуудлын талаар мэр­гэжилтэн нь ийнхүү ярьж байна. Харин Хөрөнгийн биржийнхэн ирэх 28-нд USAID-тай хамтран Лондоны Хөрөнгийн биржтэй цаашид хэрхэн хамтарч ажиллах талаараа сургалт хийх аж. Үүнээс гадна өнөөдөр Мон­го­лын Хөрөнгийн биржийн мэргэ­жилтнүүд Лондоны Хөрөнгийн бир­жийн төлөөлөгчидтэй хамтран дэлгэ­рэнгүй мэдээлэл хийх юм.

Зохиогчийн эрх: