ҮДБЭЧ Хүннү гүрэн байгуулагдсаны 2220 жилийн ойн хүрээнд зохиолч Ц.Түмэнбаярын зохиолоос сэдэвлэн "Мэргэнд буусан чоно" үндэсний бүжгэн жүжиг тавьж буй тухайгаа мэдээллээ. Бүжгэн жүжгийг төрийн шагналт Н.Жанцанноров бичсэн байна.  Уг бүжгэн жүжигт Монголын анхны төрт улс Хүннү гүрэн, түүний хаан Модун Шаньюгийн тухай өгүүлэх аж.

Н.Жанцанноров дуулалт жүжиг, бүжгэн жүжиг, дуурийн төрлөөр өнөө хэр бүтээл хийгээгүй бөгөөд "Мэргэнд буусан чоно" бүжгэн жүжиг нь түүний анхны хөгжмийн жүжиг болж байна. Энэ бүжгэн жүжгийг Цагаан сарын өмнөхөн үзэгчдийн хүртээл болгох аж.