Жүдо бөхийн насанд хүрэгчдийн Дэлхийн аварга шалгаруулах тэмцээн Унгарын нийслэл Будапешт хотноо наймдугаар сарын 28-наас есдүгээр сарын 3-нд болж өндөрлөлөө.

Энэ жилийн ДАШТ-д Монголын жүдочид эрэгтэй, эмэгтэй тус бүр есөн тамирчны бүрэлдэхүүнтэй оролцож, нэг алт, нэг мөнгө, дөрвөн хүрэл медаль хүртэж, шагналт тав ба долдугаар байр тус тус нэгийг хүртсэнээр багийн амжилтаар дэлхийн 126 орноос гуравдугаар байрт шалгарлаа.

Японы жүдочид долоон алт, дөрвөн мөнгө, нэг хүрэл медалийн амжилтаар тэргүүлсэн бол хоёр алттай Францын баг удаалсан юм.

Монголын тамирчдаас эмэгтэйчүүдийн 57 кг-ын жинд Д.Сумъяа алт, 48 кг-д М.Уранцэцэг мөнгө, 63 кг-д Б.Мөнгөнчимэг, эрэгтэйчүүдийн 60 кг-д Г.Болдбаатар, 73 кг-д Г.Одбаяр, +100 кг-д Н.Түвшинбаяр нар хүрэл медаль хүртсэн. Мөн 81 кг-д О.Ууганбаатар шагналт тавдугаар байр, 90 кг-д Г.Алтанбагана долдугаар байрт шалгарсан билээ.

Нэг сая ам.долларын шагналын сантай Жүдо бөхийн ДАШТ-ий жин жингийн аваргуудын алтан медалийг 26 мянган ам.доллар дагалдсан. Үүний 5200 ам.долларыг дасгалжуулагчид олгодог.

Харин мөнгөн медаль хүртсэн 15 мянга /тамирчин 12 мянга, дасгалжуулагч 3000/, хүрэл медальтан 8000 /тамирчин 6400, дасгалжуулагч 1600/ ам.долларын мөнгөн шагнал хүртсэн юм.

– ЖҮДО БӨХИЙН 2017 ОНЫ ДАШТ-ИЙ ДҮН – 

ЭРЭГТЭЙ

60 кг:

Алт: Наохиса Такато /Япон/
Мөнгө: Орхан Сафаров /Азербайжан/
Хүрэл: Ганбатын БОЛДБААТАР /Монгол/
Хүрэл: Диёрбек Урозбоев /Узбекистан/

66 кг:

Алт: Хифүми Абе /Япон/
Мөнгө: Михаил Пулиаев /ОХУ/
Хүрэл: Тал Фликер /Израиль/
Хүрэл: Важа Маргвелашвили /Гүрж/

73 кг:

Алт: Соичи Хашимото /Япон/
Мөнгө: Рустам Оружов /Азербайжан/
Хүрэл: Ан Чанрим /БНСУ/
Хүрэл: Ганбаатарын ОДБАЯР /Монгол/

81 кг:

Алт: Александр Вьешерзак /Герман/
Мөнгө: Маттео Маркончини /Итали/
Хүрэл: Хасан Халмурзаев /ОХУ/
Хүрэл: Саейд Моллаей /Иран/

90 кг:

Алт: Неманья Майдов /Серби/
Мөнгө: Михаил Зганк /Словени/
Хүрэл: Гвак Дунхан /БНСУ/
Хүрэл: Ушанги Маргиани /Гүрж/

-100 кг:

Алт: Аарон Вулф /Япон/
Мөнгө: Варлам Липартелиани /Гүрж/
Хүрэл: Кирилл Денисов /ОХУ/
Хүрэл: Элмар Гасимов /Гүрж/

+100 кг:

Алт: Тедди Ринье /Франц/
Мөнгө: Дэвид Мура /Бразил/
Хүрэл: Найдангийн ТҮВШИНБАЯР /Монгол/
Хүрэл: Рафаэл Силва /Бразил/

ЭМЭГТЭЙ

48 кг:

Алт: Фүна Тонаки /Япон/
Мөнгө: Мөнхбатын УРАНЦЭЦЭГ /Монгол/
Хүрэл: Галбадрахын Отгонцэцэг /Казахстан/
Хүрэл: Ами Кондо /Япон/

52 кг:

Алт: Аи Шишиме /Япон/
Мөнгө: Нацүми Цүнода /Япон/
Хүрэл: Наталя Кузютина /ОХУ/
Хүрэл: Эрика Миранда /Бразил/

57 кг:

Алт: Доржсүрэнгийн СУМЪЯА /Монгол/
Мөнгө: Цүкаса Ёшида /Япон/
Хүрэл: Элен Рекевуа /Франц/
Хүрэл: Никода Смит-Дэвис /Их Британи/

63 кг:

Алт: Кларис Агбеньеноу /Франц/
Мөнгө: Тина Трстеньяк /Словени/
Хүрэл: Балдоржийн МӨНГӨНЧИМЭГ /Монгол/
Хүрэл: Агата Оздоба /Польш/

70 кг:

Алт: Чизүрү Араи /Япон/
Мөнгө: Мария Перез /Пуэрто Рико/
Хүрэл: Юрий Алвеар /Колумби/
Хүрэл: Мария Бернабеу /Испани/

-78 кг:

Алт: Майра Агуиар /Бразил/
Мөнгө: Мами Умэки /Япон/
Хүрэл: Кальема Антомарчи /Куб/
Хүрэл: Натали Пауэлл /Их Британи/

+78 кг:

Алт: Юй Сун /Хятад/
Мөнгө: Сара Асахина /Япон/
Хүрэл: Ким Минжён /БНСУ/
Хүрэл: Ирына Киндзерска /Азербайжан/

С.ЦЭЛМЭГ