‘Өргөө’ кинотеатрт Монголын анхны бүрэн хэмжээний анимейшн уран бүтээл ‘Мора’ хүүхэлдэйн кино нээлтээ хийлээ. Киноны нээлтэнд ноён Бондгор, дуучин Н.Мөнгөнхонх зэрэг рок попын хамтлаг дуучид хүрэлцэн ирж, ая дууны мэнд дэвшүүллээ.

Тухайн хүүхэлдэйн кино нь бүх насныханд зориулсан холливүүдийн стандартаар хийгдсэн гэдгээрээ онцлог юм байна. ‘Өргөө’ кинотеатрт нээлтээ хийсэн уг киног гадны кино компаниуд ихэд сонирхож байгаа талаар мэдээлэл цацагдаж эхлээд байна. ‘Мора’ анимейшн хүүхэлдэйн киноны ерөнхий найруулагчаар СУИС-ийн багш, найруулагч Ч.Отгонбаяр ажилласан бол анимейшныг ‘Амжилт’ студийн хамт олон хоёр жилийн хугацаанд, өөрсдийн хөрөнгөөр санхүүжүүлэн хийсэн гэнэ.

‘Мора’ бүрэн хэмжээний анимейшн хүүхэлдэйн кино нь өнөөдрөөс эхлэн ‘Өргөө’кинотеатрт өдөр бүр дэлгэцнээ гарч байгаа юм байна.

Эх сурвалж: icomment.mn