Чөлөөт бөхийн 2017 оны өсвөр үеийн Дэлхийн аварга шалгаруулах тэмцээн есдүгээр сарын 06-10-нд Грекийн нийслэл Афинд болно.

Олимпийн өлгий нутагт манай улсаас хөвгүүдийн 42 кг-ын жинд Б.Хишигдорж (Дорноговь) , 46 кг-д Э.Сумъяабазар (Багахангай), 50 кг-д Н.Наранхүү (Дархан-Уул), 54 кг-д М.Сүхбат (Говийн бөх), 58 кг-д О.Сүлдхүү (Дархан-Уул), 63 кг-д Э.Бямбадорж (Баянхонгор), 69 кг-д А.Цэрэн-Очир (Дархан-Уул), 76 кг-д Р.Мөнхбаяр (Багануур), 85 кг-д Э.Батмагнай (Баянхонгор), 100 кг-д Б.Энх-Оргил (Дархан-Уул), охидын 38 кг-д Э.Буман-Аюуш (Баянхонгор), 43 кг-д Б.Энхзул (Чингэлтэй дүүрэг), 46 кг-д Т.Цээням (Баянхонгор), 49 кг-д Д.Отгонжаргал (Сэлэнгэ), 52 кг-д Б.Хонгорзул, 56 кг-д Ө.Пүрэвсүрэн (хоёул Баянхонгор), 60 кг-д Н.Анударь (Чингэлтэй дүүрэг), 65 кг-д Д.Түмэнхүслэн (Женко), 70 кг-д Ц.Хулан (Сэлэнгэ) нар зодоглоно. Энэ жилийн дэлхийн аваргад Баянхонгор аймгаас зургаа, Дархан-Уул аймгаас дөрөв, Сэлэнгэ аймаг, Чингэлтэй дүүргээс хоёр, Женко, Дорноговь аймаг болон Замын-Үүд сум, Багануур, Багахангай дүүргээс тус бүр нэг тамирчин эх орноо төлөөлөн оролцох юм.

Манай охид өнөөдөр Грекийн нийслэлийг зорих бол хөвгүүд ням гаригт эх орноосоо мордоно.

ДАШТ-д дасгалжуулагчаар П.Чулуунбаатар (Чингэлтэй дүүрэг), Д.Энхбат (Сэлэнгэ), Ё.Батдархан (Хасу-Мегастарс), С.Мөнхдуулдах (Баянхонгор), шүүгчээр олон улсын нэгдүгээр зэргийн шүүгч Ц.Сэрээтэр нар ажиллана.

Эх сурвалж: МЧБХ