Налайхын уурхайд нөхөн сэргээлт хийж эхэллээ | News.MN

Налайхын уурхайд нөхөн сэргээлт хийж эхэллээ

Хуучирсан мэдээ: 2017.08.30-нд нийтлэгдсэн

Налайхын уурхайд нөхөн сэргээлт хийж эхэллээ

Налайхын уурхайд нөхөн сэргээлт хийж эхэллээ

Налайх дүүргийн 3 дугаар хорооны уурхайн эдэлбэр газар, 57 дугаар уклон, орхигдсон далд уурхайн ам цооногийг дарах, талбайг тэгшлэх техникийн нөхөн сэргээлтийн ажлыг өнөөдөр дүүргийн ЗДТГ-аас аж ахуйн нэгж байгууллагатай хамтран зохион байгуулж байна.

ОБЕГ-ын харьяа Уул уурхайн аврах алба, Онцгой байдлын хэлтэс, Цагдаагийн хэлтэс, Мэргэжлийн хяналтын хэлтэс, УБЦТС ТӨХК-ийн Налайх түгээх төв, Хэрэглэгчдэд үйлчлэх төв зэрэг холбогдох мэргэжлийн байгууллагууд хариуцсан чиглэлээр хяналт шалгалт хийж, зөрчлийг газар дээр нь таслан зогсоож, нөхөн сэргээлтийн үйл ажиллагаанд зааварчилгаа өгч байгаа юм. Дүүргийн Засаг дарга Ч.Раднаабазар энэ үеэр “Бид ажлаа аваад анхны захирамжийг уурхайг цэгцлэх асуудлаар гаргаж байсан. Энэ газарт нэг биш удаа хүний амь эрсдэх, суурьшлын бүсэд газрын хагарал үүсэх, ухсан нүхэнд хүн, мал унаж бэртэх зэрэг асуудал бэрхшээл их байсныг боломжийн хэрээр шийдэж байгаагийн нэг нь өнөөдрийн энэ ажил юм. Мөн яг энэ орчимд олон жилийн туршид хуримтлагдаад байсан хур хогийн цэгийг аж ахуйн нэгж байгууллагатай хамтын хүчээр цэвэрлэж чадсан. Уурхайг албажуулж, нөхөрлөлийн хэлбэрээр ажиллаж эхэллээ. Магадгүй энэ газар ухсан нүх, овоолсон шороо биш сайхан ногоон байгууламж болохыг үгүйсгэхгүй. Дүүргийн хөгжлийн цэцэглэлтийн төлөө сэтгэл гарган хүн хүч, техник хэрэгслээр бололцооныхоо хэрээр тусалж байгаа бүх аж ахуйн нэгж, байгууллагад талархлаа илэрхийлье” гэв.

Дүүргийн Үйлдвэрлэл, ногоон хөгжлийн асуудал хариуцсан төсөл хөтөлбөрийн удирдагч бөгөөд Засаг даргын орлогч С.Тунгалагаар ахлуулсан ажлын хэсэг бүтэн өдрийн туршид уурхайн эдэлбэр газарт ажиллаж, ам цооногийг дарах булах, овоолсон шороог тэгшлэх ажлыг хийж байгаа бол иргэдийн бүлэг хог цэвэрлэгээ хийж байна гэж Налайх дүүргийн ЗДТГ-аас мэдээллээ.

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2017-08-30 202.131.243.162

далд уурхайд яаж нөхөн сэргээлт хийдгийг мэдэх хүн байна уу

Avatar

Ankhaa 2017-08-30 5.146.192.51

Dald uurhaid nöhön sergeelt hiih gej yg yu heleed bn

Avatar

Налайхын иргэн 2017-08-30 202.131.243.162

Мөнгө угааж байгаа юм уу

NewsMN Гар утасны хувилбар Татах
NEWS.mn

Мэдээллийн эх сурвалж