Морингийн даваанд 860 өрх хорионд оржээ | News.MN

Морингийн даваанд 860 өрх хорионд оржээ

Хуучирсан мэдээ: 2017.08.30-нд нийтлэгдсэн

Морингийн даваанд 860 өрх хорионд оржээ

Морингийн даваанд 860 өрх хорионд оржээ

Гэртээ харьж чадахгүй найзындаа дөрөв хонож байгаагаа Хан-Уул дүүргийн Х хорооны иргэн Ч.Мөнхдалай хэлэв. Энэ сарын 26-ны өдөр гадуур ажил хөөцөлдөж яваад гэртээ харих гэтэл хорио цээр тогтоочихсон байжээ. Хоёр хүүхдэдээ арай гэж чихэр, жигнэмэг дамжуулж өгснөө ч хэллээ.

Хан-Уул дүүргийн Х хорооны нутаг Морингийн даваанд малын шүлхий өвчин гарсан тул энэ сарын 26-ны өдрөөс хорио цээрийн дэглэм тогтоогоод байгаа юм. Мөн баруун аймгаас мал, мах нийслэлд оруулж ирэхийг хоригложээ.

Морингийн даваанд 860 гаруй айл өрхийн 2300 гаруй иргэн амьдардаг. Хорио тогтоосноос хойш дөрөв хоногт байдал ямар байгааг сурвалжлахаар Морингийн давааг тусгаарласан хязгаарлалтын бүсийг зорьсон юм.

Хязгаарлалтын бүсийн гадна талд ар гэрийнхэндээ хүнсний материал өгөхөөр ирсэн иргэн цөөнгүй байлаа. Харин хорио тогтоосон бүсэд Онцгой байдал, Мэргэжлийн хяналт, дүүргийн эрүүл мэндийн төв, цагдаа зэрэг албаны ажилчид хяналт, шалгалтаа үргэлжлүүлсээр байна.

Хориглолтод орсон иргэд гэртээ харьж, ар гэрийнхэнтэйгээ уулзаж, хувцас хунараа солих хэрэгтэй байгаагаа учирлав. Хорио тогтоосон бүсэд нэг орсон бол гарах боломжгүй, хорио цээрийн дэглэмийг цуцалтал тэндээ байна гэдгийг албаны хүмүүс тэдэнд сануулж байсан юм.

“Шүлхийгээс болж нэг хүн амь насаа алдсан” гэсэн цуурхал Морингийн давааны айлуудад таржээ. Энэ нь худал мэдээлэл гэдгийг Хан-Уул дүүргийн Онцгой байдлын хэлтсийн Гал түймрийн улсын хяналтын ахлах байцаагч, хошууч Б.Цогтоо хэллээ. Хэвтэрт байсан 95 настай хөгшин нас барсныг иргэд шүлхийгээр өнгөрсөн гэж цуурцгаасан аж.

“Морингийн гэр хорооллыг тойрсон 12 км-ийн радиуст 16 хорио цээрийн бүс тогтоосон. Голомтын бүсээс гарах хөдөлгөөний хэсэгт ариутгалын багаж өгсөн. Шаардлагатай гэсэн тохиолдолд зарим иргэнийг хорио цээрийн бүсээс эмнэлгийн магадалгаагаар гаргаж байна” гэв. Тухайлбал, эрүүл мэндийн эмчилгээ авах зайлшгүй шаардлагатай төрөх дөхсөн, цус харвасан иргэдийг ариутгал хийгээд гаргаж байлаа.

Шүлхий туссан хоёр үхрийг Дундговь аймгийн Адаацаг сумаас авч ирсэн. Тухайн айлын 14 үхэрнээс шинжилгээ авч шүлхий туссан хоёр үхрийг устгалд оруулжээ. Одоогоор нэг үхэрт өвчний сэжиг илэрсэн тул ажиглалт хийж буйгаа Нийслэлийн мэргэжлийн хяналтын Хан-Уул дүүрэг дэх мал эмнэлгийн хяналтын улсын байцаагч М.Цэвэлмаа дуулгав.

Шүлхийдсэн хоёр үхэр малын вакцинд хамрагдаагүй байсан гэнэ. Малчдын хайхрамжгүй, хэнэггүй, харамч зан малын халдварт өвчин гарах үндэс болж байгааг албаны хүмүүс ярьж байлаа. Малаа вакцинд хамруулахгүйгээсээ болж эдийн засгийн хохирол амсч байгааг ч хэлэв.

Мэргэжлийн хяналтын ерөнхий газрын Хүнсний аюулгүй байдал, Хөдөө аж ахуйн хяналтын газрын дарга Ч.Энх-Амгалан “Он гарснаас хойш шүлхий өвчний гаралт нэмэгдэж байна. Малчид малдаа мал эмнэлгийн чиглэлийн эмчилгээгээ цаг тухайд нь хийлгэхгүй байна. Мөн малын шилжилт хөдөлгөөн замбараагүй байгаагаас болж шүлхий, цэцэг өвчний тархалт нэмэгдэж байна. Одоогоор Улаанбаатар хотын Сонгинохайрхан, Хан-Уул дүүрэгт шүлхий өвчин гарсан тул хорио цээрийн дэглэм тогтоосон. Хэрэглэгчид малын гаралтай бүтээгдэхүүн худалдан авахдаа гарал үүслийг нь шалгуулахыг шаардах хэрэгтэй” гэлээ.

Хорио цээрийн дэглэмд буй айл өрхүүдэд бэлэн мөнгөний хомсдол үүсээд байгаагийн улмаас явуулын бэлэн мөнгөний машин өнөөдрөөс иржээ. Хуулийн дагуу хорио цээрийн дэглэмийг 28 хоногийн турш тогтооно. Иймээс ирэх сарын 22 хүртэл дэглэм үргэлжлэх аж. Хэрэв шаардлагатай бол энэ хугацааг сунгаж болох юм байна.

Гэрэл зургийг Н.Батмөнх

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

15 сэтгэгдэл

News.mn сайтад сэтгэгдэл оруулахад анхаарах зүйлс

Avatar

иргэн 2017-08-30 27.123.214.116

чухам ямар аюултай юм бэ зунаас хойш нийслэл шүлхий гарлаа л гээд бдаг иргэд бид юуг анхаарах ёстой юм бэ үхрийн мах хүнсэндээ хэрэглэхэд аюул б а уу хэн бидэнд үүнийг хариулах вэ

Avatar

иргэн 2017-08-30 27.123.214.116

хэрэв малаас хүнд халддаггүй бол ингэж олон хүнийг хорионд оруулж сүржигнэх хэрэг б а уу

Avatar

иргэн 2017-08-30 27.123.214.116

маханд тавих хяналт гэж б а у эсвэл энэ өвчин үхрийн махаар дамждаггүй юм уу эсвэл малаас хүнд халддаггүй юм уу

Avatar

иргэн 2017-08-30 27.123.214.116

шүлхий гарлаа л гэдэг ямар аюултай юуг анхаарах ёстойг мэдээлэх хэрэгтэы биш үү

Avatar

иргэн 2017-08-30 27.123.214.116

энэ өвчин яадаг өвчин юм малаас хүнд халддаг юм уу энэ өвчинөөр зөвхөн үхэр өвддөг юм уу үхэрийн маханд тавьж бгаа хяналт б а у шүлхийгээр үхээд бгаа үхрийн махаа зарж бвал яахав Энэ мэт олон асуудлыг иргэд мэдэхгүй шүү дээ

Avatar

Lord 2017-08-30 66.181.186.85

Манай монголчууд чоно гэдэг амьтнаа хайр найргүй алаад цөөлөөд дуусгаад байхаар малын гоц халдварт өвчин их гардаг гэдгийг ойлгохгүй байгаа юм даа

Avatar

Зочин 2017-08-30 150.129.143.244

ХЭНЭГГҮЙ МАНГАРАА БАС ХЭЭГҮЙ ГҮДЭСХЭН ГЭЭД ДӨВИЙЛГӨЧИХДӨГ ЗАВААН ЮМНААСАА САЛМААР ДАА

Avatar

Зочин 2017-08-30 150.129.143.244

ЮМ ЮМНЫ УРАМШУУЛАЛ ТЭЖЭЭЛ БОРДОО ГЭЭД Л БАРАГ ЗУЗААХАН ХЯРУУ УНАХААР Л ӨГӨӨД БАЙДАГ ИЙМЭРХҮҮ МАЛЫН ӨВЧИН ТАРААГЧ БЭРДҮҮДЭД ХАТУУ ГЭСГЭЭЛ ТОРГУУЛЬ ОНООЖ ХАШРААХ ХЭРЭГТЭЙ ХАШРААХ ГЭДЭГ ЧИНЬ ҮНДЭСНИЙ УЛАМЖЛАЛТ ХҮМҮҮЖҮҮЛЭХ АРГА БАРИЛЫН НЭГ ШҮҮ

Avatar

шаана биз 2017-08-30 103.50.207.150

аюурсайхан гэдэг чинь хөгийн [Хориотой Үг] байгаа юм аа Налайхаас сонгогдчихоод өөрөө гарсан юм шиг загнадаг Юм үзээгүй баагий тэр нь Амарсайхан нь дээр илүү налайхыг ойлгодог на-д ажилч хийдэг аюурсайхан чамд нэг үг хэлий – ЧИ БИТГИЙ [Хориотой Үг] чиний оролцоод байгаа ерөнхйи сайдыг унагаах ажил чинь бүтэхгүй дараа нь уйлавдаа\n

Avatar

Зочин 2017-08-30 103.229.123.81

Эдгээрийг удирдах ёстой Онцгой мэргэжлийн хяналтыг хариуцдаг Шадар сайд нь албан тушаал амин хувиа бодоод өргөдлөө өгөөд явж байхад цаана чинь онц байдал болоод байна Топор минь

Avatar

erel 2017-08-30 202.9.40.81

naana chin erdenetogtoh gedeg nohor horigdoj uu asuugaad ogooch ger bvl ajiliinhan ni asuugaad bna

Avatar

Хотын залуу 2017-08-30 43.228.131.110

Биднийг хүүхэд байхад 80 аад онд ийм юм болдоггүй байлаа Одоо я замаа алдаж дээ Ерөөсөө буцаад социализмаа байгуулцгаая Шилжилт хөдөлгөөнийг хоригло Хотын паспорт гарга Хөдөөний хүмүүсийг хөдөө рүү явуул

Avatar

Зочин 2017-08-30 49.0.140.49

Галын байцаагчаар халдварт өвчний хээрийн штаб ахлуулж онцгой комисс нь ажлын цагаар ажиллаж хуралддаг байж болохгүй Нийтийн мэдээллийн хэрэгслээр гоё гоё зураг тавихаа боль Олон хүний ажил амьдралыг бусниулж байгаа Тэнд эмч байгаа ч эмгүй дэлгүүр нь бараагүй хүмүүс бухимдалтай байна Үндсэн хуулиар иргэн бүр амьд явах эрүүл аюулгүй орчинд амьдарч чөлөөтэй шилжилт хөдөлгөөн хийх эрхтэй Ард иргэдийг халдварын голомтод хонь ямаатай хамт хаших нь буруу

Avatar

Зочин 2017-08-30 66.181.187.146

Найдвартай тийшээгээ хүн нэвтрүүлж гаргаж өгнө Утас 976999999999999 Нэг хүн 50 000 төгрөг

Avatar

Зочин 2017-08-30 202.9.47.177

adaatsak geneeee xaxa k useg orood baigaarai mongol ulsiin buhel buten sumiin nerend adaatsag bailgui dee

NewsMN Гар утасны хувилбар Татах
NEWS.mn

Мэдээллийн эх сурвалж