БНХАУ-ын машин механизм, электроникийн брэнд бүтээгдэхүүний China Brand 2017 үзэсгэлэн болно

БНХАУ-ын Худалдааны яамны санаачлагаар тус яамны Гадаад худалдааг хөгжүүлэх газар болон СМЕК Олон улсын үзэсгэлэнгийн компаниас хамтран “БНХАУ-ын  машин механизм, электроникийн брэнд бүтээгдэхүүн-2017” үзэсгэлэн худалдааг 2017 оны 8-р сарын 30-наас 9-р сарын 1-ний өдрүүдэд Мишээл экспо төвд зохион байгуулж байна.

Энэхүү үзэсгэлэн

• хөдөө аж ахуйн техник, тоног төхөөрөмж,
• уул уурхайн машин механизм, тоног төхөөрөмж,
• авто сэлбэг,
• мах махан бүтээгдэхүүний тоног төхөөрөмж,
• цахилгаан үүсгүүр, нарны эрчим хүчний төхөөрөмж,
• металл багаж хэрэгсэл,
• гэр ахуйн цахилгаан хэрэгсэл зэрэг бараа бүтээгдэхүүнийг дэлгэн сонирхуулна.

Үзэсгэлэнгийн үеэр бизнесийн үйл ажиллагааны хүрээнд хамтран ажиллах түнш, хамтрагчаа олж, хэрэгцээт бараа тоног төхөөрөмжийн талаарх мэдээ, мэдээллийг нэг дороос авах боломжтой юм.

Үзэсгэлэнгийн өдрүүдэд нэрийн хуудсаа авчирсан эхний 100 хүнд зохион байгуулагчдын зүгээс гарын бэлэг гардуулахаас гадна нэрийн хуудсаараа азтан болж өдөр бүр 3 азтан Samsung болон Xiao Mi брэндийн гар утсыг хожихоос гадна үзэсгэлэнгийн сүүлийн өдөр нэг азтан  Iphone7 plus гар утасны эзэн болох юм.

Үзэсгэлэнгийн цагийн хуваарь:

8-р сарын 30-нд 10.00-18.00

8-р сарын 31-нд  10.00-16.00

9-р сарын 1-нд 10.00-15.00 цаг хүртэл ажиллана.