УИХ-ын Аюулгүй байдал, гадаад бодлогын байнгын хороо хуралдаж, Шадар сайд У.Хүрэлсүхийн ажлаа өгөх хүсэлт болон Засгийн газрыг огцруулах асуудлыг хэлэлцэхээр тов гаргасан. Гэвч тодорхой бус шалтгаанаар Байнгын хорооны хурал хойшлоод байна. Одоогоор Байнгын хороо хэзээ хуралдах талаар мэдээлэл өгөх хүн алга. Тус Байнгын хорооны дарга Ж.Энхбаяраас тодруулах гэсэн боловч ‘Байнгын хороо хэдий хүртэл хойшилсон нь тодорхойгүй’ гэснээс өөр зүйл мэдээлсэнгүй.

Төрийн ордонд үдээс хойш 14 цагаас МАН-ын бүлэг хуралдана. Тиймээс бүлгийн хурлын дараа Байнгын хороо хуралдаж мэднэ гэж зарим хүн таамаглаж байна.

Т.НОМИН