Улсын хэмжээнд өнгөрсөн оны байдлаар гар утас хэрэглэгчдийн тоо хоёр сая 337 мянгад хүрсэн байна. Оператор компаниудаас хэрэглэгчдийн тоогоороо манлайлагч нь “Мобиком” корпораци хэвээр байгаа нь судалгаанаас харагджээ. Одоогийн байдлаар нэг сая 56 мянган хүн мобикомын гар утас барьж буй ажээ. Тэдний 931 мянга нь урьдчилсан төлбөрт хэрэглэгч бол 125 мянга гаруй нь дараа төлбөрт үйлчилгээг ашигладаг байна. Скайтелийн хэрэглэгчдийн тоо 521500 байгаа бол Юнителийн гар утастангууд 392 мянга, Жи мобайлын гар утастнуудын тоо 367 мянгад хүрчээ. Харин сансрын хөдөлгөөнт холбоо ашиглагчид улсын хэмжээнд 461 бүртгэгджээ.