Монголын Хөлбөмбөгийн Холбооны хамгийн нэр хүндтэй тэмцээн болох “Хүрхрээ үндэсний лиг”-ийн 14-р тойргийн тоглолтууд өчигдөр (2017.08.26)  эхэллээ.

Энэ өдөр 13:00 цагаас хоёр тоглолт зэрэг явагдсаны нэг нь “Эрчим”, “Дэрэн” клубүүдийн сонирхолтой тулаан байв. Улирлын эхний тоглолтод багууд бүтэн 90 минут хуурай тэнцээгээр үргэлжилсэн ч шүүгчийн мэдлийн цагт “Эрчим” багийн ахлагч Ц.Энхжаргал шүүгчийн мэдлийн цагт гоол оруулан баг нь 0:1-ээр хожоод байсан юм. Энэ тоглолтод ч гоолгүй үргэлжилж, үндсэн цаг дуусах дөхөхөд “Дэрэн”-ийн хагас хамгаалагч А.Тэмүүжин 83 дахь минутад тооны харьцааг 0:1 болголоо. Үлдсэн хугацаанд тооны харьцаа өөрчлөгдөлгүй явсаар “Эрчим” 2016 оны тавдугаар сарын 28-нд “Хоромхон”-д 0:2-ээр хожигдсоноос хойш жил гаруйн дараа гэртээ ялагдал хүлээлээ.

Эх сурвалж: МХБХ