Ховд аймгийн төвд баруун бүсийн зөвлөл ээлжит хурлаа хийв. Уг зөвлөл нь жилдээ 2-3 удаа хуралдаж баруун бүсэд тулгамдсан асуудлуудыг хэлэлцэж шийдвэрлэдэг. Энэ удаагийн хурлаар баруун бүсээс улсын тэргүүний сум шалгаруулах болзолд нэр тодруулах сумын тухай хэлэлцэж, шалгарсан таван сумын ажлыг 19 үзүүлэлтээр шалгасан байна. Ажлын хэсэг томилогдон дээрх сумын ажлыг газар дээр нь очиж шалган үнэлэлт дүгнэлт өгснөөр Ховд аймгийн Дарви сумыг 1762 оноогоор эхний байрт шалгаруулж улсын тэргүүний сум шалгаруулах болзлыг хангасан байна.