Чингэлтэй дүүргийн дөрөвдүгээр хорооны 47 дугаар байрны хажууд амьдарч байсан эмэгтэйг эмнэлгийн үзлэгт хамруулж “Заюу Тайж” төрийн бус байгууллагад түр хугацаанд амьдруулахаар болжээ.

Чингэлтэй дүүрэг дэх Цагдаагийн нэгдүгээр хэлтсээс дүүргийн Нийгэм халамжийн хэлтэс, Эрүүл мэндийн газар, нэгдсэн эмнэлэг зэрэг байгууллагуудтай хамтран энэ сарын 23-ны өдөр төрийн бус байгууллагад хүлээлгэн өгсөн байна. Эмэгтэй нь өөрийнхөө нэрээс өөр мэдээллийг өгөхгүй, юм ярьдаггүй, биед нь ямар нэгэн бичиг баримт байхгүй тул садан төрлийн хүмүүсийг цагдаагийн газраас эрэн сурвалжилж байгаа гэнэ.

А.Сүрэн