Нийслэлийн газрын албанаас ирэх есдүгээр сарын 4-ний өдрөөс эхлэн гурван сарын хугацаанд иргэдийг оршин суугаа газраа өмчлөхөд нь туслах аяныг зохион байгуулах юм байна.

Уг аяны хүрээнд нийслэлийн төвийн зургаан дүүргийн гэр хорооллын суурьшлын нэг, хоёрдугаар бүсэд хамаарах 43 хорооны 3442 нэгж талбарт иргэний, ахуйн зориулалтаар газар эзэмшиж буй иргэдэд газраа өмчлөхөд дэмжлэг үзүүлэх гэнэ.

Ингэснээр иргэдэд хороогоор дамжуулан тараах материал, зөвлөмж өгч газрын албаны мэргэжилтэн тухайн айл бүрт очиж, иргэдтэй уулзан газар өмчлөлийн материалыг бүрдүүлж авч, газраа өмчлөн авах боломжтой болох юм.

А.Сүрэн