Парисын дэлхийн аваргын эрэгтэйчүүдийн 57 кг-ын жинд барилдаж буй ОУХМ Э.Бэхбаяр ээлжит барилдаанаа хийж, Туркийн бөхийг ялснаар шилдэг наймд шалгарлаа.

Э.Бэхбаяр залуучуудын дэлхийн аварга Сулейман Атлиг 7:0 оноогоор ялжээ. Одоо тэрбээр шөвгийн наймд Японы бөх Юүки Такахашитай барилдана.

Тэмцээний 61 кг-д хүч сорьж буй Т.Түвшинтулга эхний тойрогт Беларусийн бөхийг ялсан ч хоёр дахь барилдаандаа олимп, дэлхийн аварга, Гүржийн Владимир Хинчегавшвилитэй таарч, 7:1 харьцаатай ялагдал хүлээлээ.

С.ЦЭЛМЭГ