Монголын Оюун Ухааны Академийн Оюуны спортын баг тамирчид Ази тивийн аварга шалгаруулах хоёр дахь удаагийн тэмцээнд оролцохоор Гонконг улсыг өчигдөр /2017.08.24/ зорьжээ.

Азийн аварга шалгаруулах тэмцээн нь энэ сарын 26, 27-нд Гонконг улсад зохиогдох бөгөөд 11 улсын нийт 160 тамирчин харааны болон сонсголын ой тогтоолтын 10 төрлөөр өрсөлдөнө.

Тэмцээнд манай улсын нийт 20 тамирчин, багш дасгалжуулагчийн хамт оролцохоор болжээ.

Мөн энэ удаагийн тэмцээний шигшээ багийн бүрэлдэхүүнд “Авьяаслаг Шведчүүд” шоуны шилдэг оролцогч А.Янжиндулам багтаж эх орныхоо нэрийн өмнөөс өрсөлдөх гэж байна.

Г.ТҮШИГ