Өнөөдөр Залуучуудын өдөр

Хэдхэн жилийн өмнө Монгол Улсын нийт хүн амын 68 хувийг залуучууд эзэлдэг гэж мэдээлж байсан. Харин одоо нийт хүн амын 42.2 хувийг 15-39 насны залуучууд эзэлж байна. Залуучуудын тоог насны ялгамжтай харуулбал:

Насны бүлэг	2014	2015	2016
Бүгд	2,995,949	3,057,778	3,119,935
15-19	244,337	239,910	236,400
20-24	278,214	267,844	255,144
25-29	305,778	313,709	314,540
30-34	257,858	263,538	273,997
35-39	233,392	232,634	236622

Монгол Улс залуучуудын орон гэх тодотголоо халах хараахан болоогүй. Тиймээс ч жил бүрийн наймдугаар сарын 25-ны өдрийг залуучуудаар овоглодог. Түүх сөхвөл 1921 оны Бошгыг халах залуучуудын эвлэлээс үүдэлтэй энэ өдөр хаягдаж гээгдэж, мартагдаж орхигдолгүй өнөөдөртэй золгосон нь учиртай. Дэлхийд залуучуудын өдрийг тусгайлан тэмдэглэдэг цөөхөн орны нэг нь манай улс байхаас аргагүй юм.

Залуучууд олон байхын хэрээр улс орны хөгжил илүү хурдан, эрчтэй байдаг. Тэд ертөнцийг шинэ содон өнгөөр харж, урагшлах хүч болдог билээ. Энэ жилийн залуучуудын жилийн уриа “Эерэг амьдарцгаая”. Энэ хүрээнд Монголын залуучуудын эвслээс ‘Залуучуудын иргэний нийгмийн гуравдугаар чуулган’-ыг Улаанбаатар чуулгын байранд 09.00-18.00 цагийн хооронд зохион байгуулж байна.

Д.ЦЭЭНЭ