‘Парис-2017’ чөлөөт бөхийн насанд хүрэгчдийн Дэлхийн аварга шалгаруулах тэмцээний шинэ од, шинэхэн Дэлхийн аварга Пүрэвдоржийн Орхоныг танилцуулж байна. Эмэгтэйчүүдийн 63 кг-ын жингийн алтан медаль, аваргын бүсний эзэн болсон П.Орхон анх удаа Дэлхийн аварга шалгаруулах тэмцээнд оролцож, жингийнхээ тэргүүн бөх боллоо. 

Тэрбээр энэхүү амжилтаараа бөхийн чөлөөт барилдааны Дэлхийн аварга шалгаруулах тэмцээнээс алтан медаль хүртсэн Монголын 5 дахь тамирчин, гурав дахь эмэгтэй аварга, долоо дахь алтан медалийн эзэн болсон юм.