Бөхийн чөлөөт барилдааны дэлхийн аварга шалгаруулах тэмцээний эмэгтэйчүүдийн 69 кг-д өрсөлдсөн ДАШТ-ий гурван хүрэл медальт, залуучуудын ДАШТ-ий мөнгө, хүрэл медальт, насанд хүрэгчдийн Азийн АШТ-ий алт, мөнгө, хүрэл медальт, “Алтай” констракшны тамирчин, Монгол Улсын Гавьяат тамирчин О.Насанбурмаа дагах барилдаанд Казахстаны Эльмира Сыздыковад ялагдлаа.

Манай тамирчин 1:5-аар ялагдаж яваад цаг дуусахаас 20 секундын өмнө дөрвөн оноо дараалан авч, ялалт манай талд байсан ч Казахстаны дасгалжуулагч “Challenge” шидэж, удаашруулсан бичлэгээс О.Насанбурмааг хоёр оноо алдсан гэж үзлээ.

Ингэснээр О.Насанбурмаа 5:7 харьцаагаар харамсалтайгаар ялагдаж, тэмцээнээ өндөрлүүллээ.

О.Насанбурмаа 2015 оны “Монголиа Опен” болон өнгөрсөн жилийн Риогийн олимпийн наадамд Казахстаны Эльмира Сыздыковад ялагдаж байсан юм.